ل كوچكا مێهڤانداریا “د. عەلى ته‌ته‌ر” پارێزگارێ دهۆكێ پێشوازیا “كلیمینس سمینته‌ر”كونسلێ گشتى یێ وه‌ڵاتێ ئه‌لمانیا ل كوردستانێ وشاندێ دگه‌لدا كر.
دهه‌ڤدیتنه‌كێدا به‌حسێ په‌یوه‌ندیێن دوو قولى دناڤبه‌را هه‌رێما كوردستانێ وحكومه‌تا ئه‌لمانیا وچاوانیا خورتكرنا وان په‌یوه‌ندیان دبیاڤێ سیاسى وئابورى وته‌ندورستى وكلتورى وبوارێن دن دا وره‌وشا ئاواره وپه‌نابه‌ران ل پارێزگه‌هێ وئه‌و هاریكاریێن حكومه‌تا هه‌رێمێ ورێكخراوێن مروڤایه‌تى نه‌خاسمه یێن ئه‌لمانى پێشكێشدكه‌ن هاته كرن.
دته‌وه‌ركێ دن دا به‌حسێ سه‌ره‌دانا ڤێ دوماهیێ یا پارێزگارێ دهۆكێ بو چه‌ند ویلایه‌تێن ئه‌لمانیا وهه‌ڤدیتنێن دگه‌ل سه‌ركردێن وان جها هاتینه كرن وئه‌نجامێن گشتى یێن وێ سه‌ره‌دانێ هاته كرن.
پارێزگارێ دهۆكێ خوشحالیا خو ب سه‌ره‌دانێ دیاركر وسوپاسیا حكومه‌تا ئه‌لمانیا وكونسل وهه‌موو سازیێن ئه‌لمانى كر یێن هاریكاریا هه‌رێما كوردستانێ وئاواره وپه‌نابه‌ران دكه‌ن وخواست په‌یوه‌ندیێن هه‌ردوولا دبیاڤێ ئابورى وبارزگانى وته‌ندورستى وگه‌شتیارى وكلتورى ومروڤایه‌تى وهه‌موو بوراێن دن دا پتر گه‌شێبكه‌ن هه‌روه‌سا حكومه‌تا ئه‌لمانیا پتر هاریكاریا ئاواره وپه‌نابه‌ران بكه‌ت چونكو بوینه فشاره‌كا مه‌زن ل سه‌ر هه‌موو سه‌كته‌رێن خزمه‌تگوزارى.
ژلایێ خوڤه كونسلێ ئه‌لمانیا خوشحالیا خو دیاركر هه‌مبه‌ر په‌یوه‌ندیێن دناڤبه‌را ئه‌لمانیا وهه‌رێما كوردستانێ وته‌كه‌زكر كو حكومه‌تا ئه‌لمانیا ب رێكا سازیێن خو دێ به‌رده‌وام هاریكاریێن مروڤایه‌تى پێشكێشى هه‌رێما كوردستانێ كه‌ت.
پارێزگارێ دهۆکێ وکونسلێ ئه‌لمانیا ل کوردستانێ ته‌که‌زیێ ل پێشئێخستنا په‌یوه‌ندیێن دوو قولى دکه‌ن
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.