پارێزگارێ دهۆکێ دوازدە پرۆژە کو 39 گۆند دێ ژێ مفاداربن رەوانەی جێبەجێکرنێ کرن

ئەڤرۆ رۆژا ئێکشەمبی رێکەفتی 25-7-2021 "د.عەلی تەتەر" پارێزگارێ دهۆکێ ب کۆژمێ چار ملیار و چارسەد و سیهـ و ئێک ملیون دیناران دوازدە پرۆژێن خزمەتگۆزاری ل سنۆرێ دەڤەرداریی و  ناوچەداریێن جودا کو پرۆژێن کارەب و رێک وپرا و سەخبێریکرنا جادێن ناڤخۆ بخۆڤەدگریت و 39 گۆند ل سنۆرێ  پارێزگەها دهۆکێ دێ ژێ مفاداربن رەوانەی جێبەجێکرنێ کرن. 
هەروەسا هژمارەکا دی یا پرۆژێن خزمەتگۆزاری دقوناغا راگەهاندن و تەندەرکرن و رەوانەیی بجهئینانێ دانە و ئەو پرۆژێن ژلایێ  پارێزگارێ دهۆکێ ڤە هاتینە رەوانەکرن بۆ بجهئینانێ ئەڤێن ل خوارێ نە:
- گەهاندنا هێلا کارەبێ بۆ گۆندێ ملبرکێ و گۆندێ شکەفتێ و بلمباسا و مسلەکا و گری ل ناوچەداریا چەمانکێ. 
- سڤکرنا بارێ گهۆرکێن ئاکرێ و بجیل و دینارتێ و گردەسین و دەوروبەرا بۆ نەهێلانا برینا کارەبێ و سووتنا ڤەبرێن گهورکی ل ناوچەداریا ئامێدیێ.
- گەهاندنا هێلا کارەبێ بۆ بیرا ئاڤێ ل گۆندێ باوەرکا کەعبی و گەهاندنا هێلا کارەبێ بۆ چەند کۆلانێت تاخێ بەفرین ل سەرسنکێ و دانانا گهورکەکی بۆ بارسڤککرنا کارەبا تاخێ کانی چنارکێ و سەخبێرکرنا فیدەرەکێ گوزاری ل تاخێ ئاشوری ل سەرسنکێ و گوهرینا دوو گهورکان ژ 250 بۆ 400 کەی.ڤی ل سەنتەرێ ناوچەداریا سەرسنکێ.
- دانانا گهۆرکەکێ 250 کەی.ڤی بۆ گوندێ کانیاتا دگەل گەهاندنا کارەبێ بۆ مالێن نوی هاتینە ئاڤاکرن ل گۆندێ شێخ مەما و گەهاندنا کارەبێ بۆ مالێن نوی هاتینە ئاڤاکرن ل گۆندێ تەعلاڤا و سەخبێریکرنا هێلا کارەبا بامەرنێ ل گۆندێ ئەرەدنا ل سنۆرێ ناوچەداریا بامەرنێ. 
- سەخبێریکرنا رێکا گۆندێ دێریشکێ-بێدهێ ب درێژاهیا ٤ کیلۆمەترا و سەخبێریکرنا رێکا گۆندێ مایێ ب درێژاهیا 3 کیلۆمەترا و سەخبێریکرنا رێکا گۆندێ ئایاتێ ب درێژاهیا 400 میترا و سەخبێریکرنا رێکا گۆندێ گەلیکێ ب درێژاهیا 1.5 کیلۆمەترا و سەخبێریکرنا رێکا گۆندێ بناڤی بدرێژاهیا 600 میترا و سەخبێریکرنا رێکا گۆندێ هەلوە ب درێژاهیا ٢ کیلۆمەترا ل سنۆرێ ناوچەداریا کانی ماسێ.
- سەخبێریکرنا رێکا گۆندێن بێشینکێ-بابۆخکێ-دێرگژنیک-بێسفکێ ل ناوچەداریا مانگێشک.
- سەخبێریکرنا رێکا بەرێ بهار-سارکێ-لومانا-خورپینیێ-رومتا دوریانا خرابیا ل ناوچەداریا زاویتە. 
- سەخبێریکرنا رێکا گۆندێ هاریکا ب درێژاهیا ٣ کیلۆمەترا دگەل چێکرنا پرا صپنەی (5*20) ل ناوچەداریا دێرەلۆکێ. 
- چێکرنا جادێن ناڤخۆ ل سەنتەرێ باژێرێ زاخۆ.
- سەخبێریکرنا رێکا گۆندێن کەمەکا- کۆڤلێ- کورێمێ-ئوزمانا- سەرئاڤکێ ل ناوچەداریا مانگێشکێ.
- تمامکرنا رۆناهیا جادا گشتی ل ئامێدیا نوی "مرێبکا" و دانانا گهۆرەکێ 630 کەی.ڤی ل سکەی ل هاڤینگەها سیلاڤێ و دانانا گهۆرەکێ ل تاخێ مرێبکا و دانانا گهۆرەکێ ل تاخێ جەبا سرکی و دانانا 2 گهورکێن دی 250 بۆ 400 کەی.ڤی ل کانیا مالا و ئامێدیێ و گەهاندنا هێلا کارەبێ بۆ چەند مالا ل سپیندارا خەلفۆ ل سنۆرێ ناوچەداریا ئامێدیێ. 
- چێکرنا رێکا گۆندێ تاژیکا و رێکا گۆندێ هەڤندکا و چێکرنا رێکێن ناڤخۆیی ل گۆندێ سکرینێ و رێکا گۆندێ بەربانکی ل ناوچەداریا سەرسنکێ.