سەرۆک وەزیرانی که‌نه‌دا جه‌ژنی قوربان له‌ موسڵمانان پیرۆزده‌کات

لە ویلایەتی ئۆنتاریۆی کەنەدا و لە مزگەوتی ماونتن موسوڵمانان بە لەبەرچاوگرتنی رێوشوێنەکانی خۆپاریزی بە سێ دەستە نوێژی جەژنیان کرد.
لە دوای کۆتا نوێژی جەژن، سەرۆکوەزیرانی کەنەدا، جەستن ترودۆ سەردانی مزگەوتەکەی کرد و بە چەپڵەڕێزان لەلایەن ئامادەبووانی مزگەوتەکەوە پێشوازی لێکرا.
جەستن ترودۆ گوتارێكی پێشكه‌شكرد، بە گوتنی "السلام علیکم" دەستیپێكرد و پیرۆزبایی جەژنی لە موسوڵمانان کرد.
ترودۆ ئیدانەی پەلامارە نەژادپەرستی و ئیسلامۆفۆبییەکانی کرد کە دژ بە موسوڵمانانی وڵاتەکەی ئەنجامدەدرێن و بە "دڕندانە و قبوڵنەکراو" ناویبردن، جەختی لەوەش کردەوە کە پێویستە هەمووان بە ئازادیی پەیڕەوی بیروڕای خۆیان بکەن و لە ئاسایشدا بن.
هه‌روه‌ها سه‌رۆكوه‌زیرانی كه‌نه‌دا دوای گوتارەکەی تەوقەی لەگەڵ ئامادەبووانی ناو مزگەوتەکە کرد و پێکەوە وێنەیان گرت.