دکتور "عەلی تەتەر" پارێزگارێ دهۆکێ سەرەدانا وەزارەتا دەرڤە یا کۆمارا ئەلمانیا فیدرال کر و ژلایێ بەرێز دکتور "کرستیان بوک" Christian Buck بەرپرسێ کارۆبارێن رۆژهەلاتا ناڤەراست و کیشوەرێ ئەفریقیا ب ئامادەبوونا خانم دکتور "ئەنیکا بولتن" بەرپرسا پەیوەندیێن دەرڤە یێن ئەلمانیا دگەل رۆژهەلاتا ناڤەراست-عیراق و کونسلێ گشتی یێ کۆمارا فیدرالی یا ئەلمانیا ل هەرێما کوردستانێ هاتە پێشوازیکرن.
درۆنشتنەکێدا پشتی بخێرهاتنێ دانوستاندن ل دۆر رەوشا دەڤەرێ و پەیوەندیێن موکم یێن دگەل کۆمارا فیدرالی یا ئەلمانیا و پەیوەندیێن دناڤبەرا هەرێما کوردستانێ و ئەلمانیا و رەوشا ئاوارە و پەنابەران و پەنابەرێن کوردستانێ ل وی وەلاتی هاتەکرن، بەرپرسێن وەزارەتا دەرڤە یا ئەلمانیا ب پارێزگارێ دهۆکێ راگەهاند هوین ل هەرێما کوردستانێ و پارێزگەها دهۆکێ رۆلەکێ گرنگ دگێرن لەوما ئەم خۆ ب هەڤپشکێن هەوە دزانین.
پارێزگارێ دهۆکێ سۆپاسیا گەل و حکۆمەتا ئەلمانیا کر کو ددەمێ چەند سالێن بۆریدا بەردەوام پشتەڤانی ل هەرێما کوردستانێ کریە ب تایبەتی ژلایێ هاریکاریێن مرۆڤایەتی و ددەمێ شەرێ نەخاستی یێ تیرورستێن داعش رۆلێ کاریگەرێ ئەلمانیا دپێدانا چەک و تەقەمەنیان ب هێزێن پێشمەرگەیی چ جاران ژبیرناکەین.
هەردوو دۆپاتی ل پەیوەندیێن خۆرت و موکم یێن هەردوو وەلاتان کر و سوزا بەردەوامی و هەماهەنگیا پتر دبیاڤێن دیتر دا هاتەدان.
پارێزگارێ دهۆکێ سەرەدانا وەزارەتا دەرڤە یا یٔەلمانیا کر
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.