ته‌قینه‌وه‌یه‌ك له مه‌دینه سه‌دری به‌غدا روویدا و به‌هۆیه‌وه 94 كه‌س بوونه قوبانی.
ئێوارەی ئەمڕۆ 19-7-2021، تەقینەوەیەك لە ناوچەی سەدر-ی بەغدا روویدا، له‌وباره‌وه میدیا عێراقییه‌كان له زاری به‌رپرسانی ئه‌منییه‌وه رایانگه‌یاند كه ته‌قینه‌وه‌كه له رێگه‌ی بۆمبێ چێنراوه‌وه له بازاڕی ئه‌لحوه‌حیلات مه‌دینه سه‌در ئه‌نجامدراوه و له ئاكامدا لانیكه‌م 28 كه‌س كوژراون و 66 كه‌سی دیكه‌ش برینداربوون.
ئه‌و سه‌رچاوه ئه‌منییه راگه‌یاندووه، تەقینەوەكە بەهۆی بۆمبێكی چێندراوەوە بووە، كە لەیەكێك لە بازاڕە میللییەكانی ئەو ناوچەیە دانرابوو، لە کاتێکدا بووە کە خەڵکی سەرقاڵی کڕینی پێداویستییەکانی جەژن بوون.
له دوای ته‌قینه‌وه‌كه هێزه ئه‌منییه‌كان له شوێنی روودانی ته‌قینه‌وه‌كه بڵاوه‌یان پێ كرا و كوژراو و برینداره‌كان بۆ نه‌خۆشخانه‌یه‌كی نزیك له شوێنی ته‌قینه‌وه‌كه گوازرانه‌وه.
کۆمێنت (0)
تا ئێستا هیچ کۆمێنتێک نەکراوە.