هه‌وڵى بڕینى بانکى جیهان له‌ که‌لار پوچه‌ڵکرایه‌وه‌

مقدەمی مافپەروەر علی جەمال قدووری به‌رپرسى  ڕاگەیاندنی پۆلیسی گەرمیان،  ئه‌مڕۆ دووشه‌مه‌ 19-7-2021، بڵاویكرده‌وه‌: دوای وەرگرتنی زانیاری و چاودێری ورد لەسەر  تۆمەتبارێک کەپاسەوان بانکی جیهانە لەکەلارو ماوەی دوو مانگە پلانی  دزینی بانکەکەی داڕشتووە و  بەرنامەی  دانابوو لەڕۆژانی پشوی  جەژنی قوربان بانکەکە ببڕێت .
رایده‌گه‌ێنێت: شه‌وی ڕابردوو بەشی پۆلیسی نەهێشتی تاوانی گەرمیان توانیان ئەوپلانە پوچەڵ بکەنەوەو دوو تۆمەتبار دەستگیربکەن  کەیەکێکیان پاسەوانی بانکەکەیە و ئەوەی تریان ئاگاداری پلانەکەبوە.
مقدەمی مافپەروەر علی جەمال قدووری به‌رپرسى  ڕاگەیاندنی پۆلیسی گەرمیان، ئاماژه‌ بۆ ئه‌وه‌شده‌كات: دوای لێکۆڵینەوە لەگەڵ تۆمەتباردا لەپێش دادوەری لێکۆلینەوەی کەلار دانی نا بەتاوانەکەیدا  لەئێستادا بەبریاری دادوەرو بەپێی مادەی 444 بەندکراوەو لێکۆلینەوە لەگەڵیدا بەردەوامە.