فرۆكه‌خانه‌ى نێوده‌وڵه‌تی سلێمانی ئاگادارییه‌كی بڵاوكرده‌وه و رایده‌گه‌ێنێت: له‌به‌ر ڕۆشنایی بارودۆخی ئێستای كۆڤید ١٩ و بوونی ڕێنمایی جیاواز له وڵاتانی ده‌ره‌وه‌ی عیراق و پرسیار كردنی زۆری ھاوڵاتیان ھه‌موو لاێه‌ك ئاگادار ده‌كه‌ینه‌وه پابه‌ندی جێ به جێ كردنی ڕێنمایه‌كانی لێژنه‌ی باڵای به‌رنگاربوونه‌وه‌ی كۆرۆنایه له حكومه‌تی ھه‌رێمی كوردستان بۆ ڕۆشتن یان ھاتنه‌وه له‌سه‌فه‌ر له‌ژێر چاودێری تیمه‌كانی ته‌ندروستی لێره‌دا جه‌خت ده‌كه‌ینه‌وه كه كۆمپانیاكان به‌رپرسن له‌ھه‌ر ڕێنمایه‌ك كه جێبه‌جێبكرێت له وڵاتانی ده‌ره‌وه و پێویسته ھاوڵاتیانی ناوه‌وه و ده‌ره‌وه‌ی ھه‌رێم ئاگادار بكه‌نه‌وه له ھه‌ر ڕێنمایه‌ك یان ڕێگریه‌ك كه دروست ده‌بێت له كاتی سه‌فه‌ر كردنیاندا بۆیه به باشمان زانی دوباره ڕێنمایه‌كان بخه‌ینه‌وه به‌ر چاوی ھاوڵاتیان :
١- بۆ ڕۆشتن : له كاتی سه‌فه‌ر كردنی ھاوڵاتی پێویسته پشكنینی كۆڤید ١٩ ی كردبێت و به «negative» ده‌رچوبێت پێش كه‌متر له ٧٢ كاتژمێر جا ڤاكسینی وه‌رگرتبێت یان وه‌ری نه‌گرتبێت و فڕۆكه‌خانه ھیچ پاساوێك قبوڵ ناكات به‌وه‌ی ھاوڵاتی له وڵاتی ده‌ره‌وه ھاتبێته‌وه ڕێگه‌ی پێ ئه‌ده‌ن یا نا ئه‌وه به‌رپرسیارێتی فڕۆكه‌خانه نییه.
٢- بۆ ھاتنه‌وه: ئه‌و ھاوڵاتیه‌ی به‌ڵگه‌ی پشكنینی «negative» یان به‌ڵگه‌ی ھه‌ردوو ژه‌می ڤاكسینی ھه‌ڵگرتبێت ڕێگه پێدراوه و به ئاسایی داخڵی ھه‌رێمی كوردستان ده‌بێت.
وه ئه‌و كه‌سه‌ی ھیچ به‌ڵگه‌یه‌كی پێ نیه تیمه‌كانی ته‌ندروستی پشكنینی بۆ ئه‌نجام ئه‌ده‌ن پێش داخڵ بوونی بۆ ھه‌رێمی كوردستان.
تێبینی:
١- كۆمپانیاكان به‌رپرسن له پێدانی زانیاری پێویست به ھاوڵاتیان كه له سه‌ر ھێڵه‌كانیان سه‌فه‌ر ئه‌كه‌ن و به‌رپرسیاریتی ھه‌ر كێشه‌یه‌ك به‌ده‌ر له‌و خاڵانه‌ی سه‌ره‌وه ده‌كه‌وێته ئه‌ستۆیان.
٢- سه‌باره‌ت به مناڵان تا ته‌مه‌نی (١٠) ساڵ پێویسته تیمه‌كانی ته‌ندروستی له‌گه‌ڵ نوێنه‌ری ھێڵی ئاسمانی ھه‌ماھه‌نگ و ڕاوێژ بكه‌ن له‌به‌ر رۆشنایی ئه‌و ڕێنمایانه كه له وڵاتانی ده‌ره‌وه ده‌رچووه سه‌باره‌ت به ڕێگه پێدان یان ڕێگری كردن له سه‌فه‌ر كردنی ئه‌و مناڵانه.
لێره‌دا جه‌خت ده‌كێنه‌وه فڕۆكه‌خانه به‌رپرس نیه له ڕێگرتنی مناڵان له لایه‌ن ھێڵه ئاسمانیه‌كانه‌وه تكایه.
کۆمێنت (0)
تا ئێستا هیچ کۆمێنتێک نەکراوە.