دره‌نگانی شه‌وی رابردوو ، له سنوری شاره‌دێی پردێ له‌سه‌ر كێشه‌یه‌كی كۆمه‌ڵایه‌تی كه‌سێك كوژراو و 2 كه‌سی دیكه‌ش له‌رووداوه‌كه بریندارن .
به‌پێی زانیارییه‌كان كه ده‌ست ماڵپه‌ری كوردستان تیڤى كه‌وتووه، كێشه‌كه له‌گوندی قه‌ره‌به‌گ له شاره‌دێی پردێ روویداوه ، كه ته‌قه له سێ جوتیار كراوه كه سەرقاڵی گواستنەوەی مریشک بوونە لە پەلەوەرخانەیەک و بەهۆیەوە کەسێک کوژراوە و دوو كه‌سی دیكه‌ش برینداربوون.
له‌راگه‌یاندراوێكیشدا پۆلیسی خۆجێی پردێ رایده‌گه‌ێنێت: له‌سه‌ر رووداوه‌كه په‌ڕاوی لێكۆڵینه‌وه كراوه‌ته‌وه و كه‌سه‌كان ناسراون و بریاری ده‌ستگیر كردنیان بۆ ده‌رچووه.
راشیده‌گه‌یه‌نن: زانیاری زیاتر له‌كاتژمێره‌كانی داهاتوو بڵاوده‌كه‌ینه‌وه.
کۆمێنت (0)
تا ئێستا هیچ کۆمێنتێک نەکراوە.