ئەمڕۆ سێشەممە 6 -7-2021، لە دیوانی وەزارەتی ناوخۆی حكوومەتی هەرێمی كوردستان، دوو قائیمقامی نوێی هەردوو قەزای زاخۆ و ئامێدی سوێندی یاساییان خوارد.
مشیر محەمەد بەشیر قائیمقامی نوێی قەزای زاخۆ و وارشین سەلمان محەمەد تاهر قائیمقامی نوێی قەزای ئامێدی، لەبەردەم ڕێبەر ئەحمەد وەزیری ناوخۆ و بە ئامادەبوونی دکتۆر عەلی تەتەر پارێزگاری دهۆك سوێندی یاساییان خوارد.
دوای سوێندخواردنەكە، وەزیری ناوخۆ پیرۆزبایی دەستبەکاربوونی لێ کردن و هیوای سەرکەوتنی بۆ خواستن لەم ئەرکە نوێیەیاندا.
وەزیری ناوخۆی حكوومەتی هەرێمی كوردستان داواشی لێ کردن لەسەر ڕاسپاردەی سەرۆکی حکوومەتی هەرێمی کوردستان بەوپەڕی توانایانەوە خزمەتی خەڵکی کوردستان بکەن و بەرژەوەندییە گشتییەکان بکەنە ئەرکی لەپێشینەیان.
2 قایمقامی نوێ بۆ قەزاکانی زاخۆ و ئامێدی سوێندی یاساییان خوارد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.