جومعە عناد، وەزیری بەرگری عێراق و ماتیۆ تولەر ، باڵیۆزی ئەمریکا لە بەغدا، ژمارەیەک پرس کە جێگەی بایەخی ھەردوو وڵاتن، تاوتوێ کرد.
وەزارەتی بەرگریی عێراق لە راگەیەنراوێکدا ئاماژەی بەوەداوە کە ئەمڕۆ سێشەممە، جومعە عناد پێشوازی لە ماتیۆ تولەر کردووە.
بەپێی راگەیەنراوەکە لە دیدارەکەدا، ژمارەیەک پرس کە جێگەی بایەخی ھاوبەشی ھەردوو وڵاتن، تاوتوێ کراوە.
ئەمەیش دوای ئەوە دێت، سەرچاوەیەکی ئەمنی لە عێراق راگەیاندبوو، بەرەبەیانی ئەمڕۆ سێشەممە، ژمارەیەک فڕۆکەی بێفڕۆکەوان کە بەسەر باڵیۆزخانەی ئەمریکا لە بەغدا فڕیون لەلایەن ھێزەکانی ئەمریکاوە خراونەتە خوارەوە.
کۆمێنت (0)
تا ئێستا هیچ کۆمێنتێک نەکراوە.