سەرچاوەیەک لە عێراق رایگەیاند کە کارەبای نیشتمانیی لە پارێزگای نەجەف بچڕاوە.
سەرچاوەکە بۆ میدیاکانی عێراق ئاشکرایکردووە کە بە ھۆکارێکی نەزاندراو کارەبای نیشتمانیی لە پارێزگای نەجەف پچڕاوە.
سەرچاوەکە زانیاری زیاتری لەوبارەیەوە نەخستووەتەڕوو.
ئەمەیش دوای ئەوە دێت کە رۆژی ھەینی رابردوو، کوژانەوەی گشتیی کارەبای نیشتمانیی لە سەرتاسەری عێراق جگە لە پارێزگاکانی ھەرێمی کوردستان روویدابوو.
ئەمەیش لە کاتێکدایە کە لەگەڵ بەرزبوونەوەی پلەکانی گەرما، رەوشی کارەبا لە پارێزگاکانی عێراق، بەشێوەیەکی بەرچاو خراپ بووە.
لە چەند رۆژی رابردوودا، ژمارەیەک تاوەری گواستنەوەی کارەبای نیشتمانیی لە پارێزگاکانی دیالە و کەرکووک، سەڵاحەددین و نەینەوا کرانە ئامانج کە ئەوەیش کاریگەریی لەسەر کەمبوونەوەی کاتژمێرەکانی پێدانی کارەبای نیشتمانیی دروست کرد.
کۆمێنت (0)
تا ئێستا هیچ کۆمێنتێک نەکراوە.