بو دووڤ چونا قوناغێن بجهئینانا پرۆژێ وێستگه‌ها كاره‌با هایدرو پاوه‌ر ل ناوچه‌داریا دێرالوكێ ئه‌ڤرو سپێدێ 1/7/2021 “كمال محمد صالح” وه‌زیرێ كاره‌بێ یێ حكومه‌تا هه‌رێما كوردستانێ و “د.على ته‌ته‌ر” پارێزگارێ دهۆكێ و نونه‌رێ كونسلخانا ئیرانێ ل هه‌ولێرێ سه‌را وێستگه‌ها كاره‌با هایدرو پاوه‌ر ل ناوچه‌داریا دێرەلوكێ دا ژلایێ سه‌رپه‌رشتێن پرۆژه‌ى پێشوازى لێ هاته كرن.
د كۆمبوونه‌كێدا دگه‌ل ستافێ كومپانیا جێبه‌جێكار وسه‌رپه‌رشتێن پرۆژه‌ى وه‌زیرێ كارەبێ یێ حكومه‌تا هه‌رێمێ گوت: حكومه‌تا كوردستانێ گرنگییه‌كا تایبه‌ت دده‌ته ڤان جوره پرۆژێن ستراتیجى وئه‌م هاتینه دا ژنێزیك هایدارى قوناغێن بجهئینانا پرۆژه‌ى ببین.
هه‌روه‌سا گوت: پرۆژێ وێستگه‌هێ كاره‌با هایدرو پاوه‌ر ل دێرەلوكێ ل سالا 2016ده‌ست پێهاتیه كرن وئێكه‌مین پرۆژه‌یه كو چ گرفتێن دارایى نه‌بوینه وئه‌م باوه‌رین ل دوماهیا ئه‌ڤ ساڵه دێ كه‌ڤیته دوارێ به‌رهه‌مئینانێ دا و37میگاواتێن كاره‌بێ دێ ل سه‌ر تورا نیشتمانى هێنه زێده‌كرن وبه‌رهه‌ڤیا وه‌زاره‌تێ نیشاندا بو نه‌هێلانا هه‌ر ئاسته‌نگه‌كا بهێته پێش. پاش په‌یڤێن جودا جودا هاتنه خاندن وفلمه‌ك ل دور كارێن پرۆژه‌ى هاته نیشاندان.
پاش وه‌زیرێ كاره‌بێ و پارێزگارێ دهۆكێ ویێن دگه‌لدا سه‌را تیمێن كارى دا وژنێزیك سه‌حكره قوناغێن بجهئینانێ ، هه‌ر بڤێ هه‌لكه‌فتێ (روته‌رێ ئێكێ) یێ به‌رهه‌مئینانا كاره‌بێ هاته دانان. هه‌ژى گوتنێ یه ل ساڵا 2016ێ ده‌ست بجهئینانا پرۆژه‌ى هاتیه كرن و ژدوو یه‌كا پێك دهێت هه‌ر یه‌كه‌كێ شیان هه‌نه 18,5میگاواتێن كاره‌بێ به‌رهه‌م بینیت وسه‌رجه‌م دبیته 37میگاواتێن كاره‌بێ وحكومه‌تا یابانێ ب رێكا سازیا جایكا ب گوژمێ (129) ملیون دولارا پشته‌ڤانیا پرۆژه‌ى دكه‌ت وهه‌تا نوكه 86% هاتیه ئه‌نجامدان .
پرۆژه دێ ده‌لیڤێن كارى بو ب سه‌دان گه‌نجان ڤه‌كه‌ت هه‌روه‌سا دوستێ ژینگه‌هێ یه ودێ بزاڤا گه‌شتیارى ژى ل ده‌ڤه‌رێ خورتكه‌ت پرۆژه ژلایێ هه‌ردوو كومپانیێن ئیرانى فاراب وبلند پایه‌ر دهێته ئه‌نجامدان ول دوماهیا ئه‌ڤ ساڵه دێ كه‌ڤیته دخزمه‌تا كاره‌با هه‌رێمێ دا.
کۆمێنت (0)
تا ئێستا هیچ کۆمێنتێک نەکراوە.