هەر خێزانەکا ل کەمپا شاریا کەفتیە بەر زیانێن روودانا ئاگری (600)دۆلار دگەل چەندین کەلوپەلان وەرگرتن

پشتی پەیاما رێزدار مەسرور بارزانی سەرۆکێ حکحمەتا هەرێما کوردستانێ ژبو ل هاناچونا خێزانێن ئاوارە یێن  ل کەمپا شاریا توشی رویدانا ئاگری بوین ئەڤرو رێکەفتی ٢٠٢١/٧/١ روژا پێنج شەمبی ل کەمپا شاریا ب ئامادەبونا بەرێز"ماجد سەید سالح" "جێگرێ پارێزگارێ دهۆکێ و بەرێزان " بارزان ئەکرەم " سەرۆکێ فەرمانگەها رێکخراوێن نەحکۆمی یا سەر ب ئەنجومەنێ وەزیران ڤە ل هەرێما کوردستانێ و ستافێ دەزگایێ خێرخوازی یێ بارزانی و دەڤەردارێ قەزا سێمێلێ و رێڤەبەرا بەرسفدانا قەیرانان و رێڤەبەرێ کەمپا شاریا، چەندین هاریکاریێن ماددی و کەلوپەل گەهشتنە خێزانێن زیان ڤێ کەفتی
د پەیڤەکێدا جێگرێ پارێزگاری بناڤێ بەرێز"د عەلی تەتەر "پارێزگارێ دهۆکێ سۆپاسی و دەستخوشی ل سەروك و ستافێ فەرمانگەها رێکخرواێن نەحکومی ل هەرێما کوردستانێ کر کو راببو ب هەوەکا کومکرنا پارەو کەلوپەلان و تێدا (٩)رێکخراو بەشدارببون و ئەڤرو (١٣٦) خێزانێن زیان ڤێ کەفتی مفاداربون هەر خێزانەکێ (٦٠٠)دولارێن ئەمریکی لگەل چەند کەلوپەلێن نافمالێ وەرگرتن
پاش راگەهاند وەکو ئیدارا پارێزگەهێ ئەم هاریکار و  رێخوشکەربوین بو وان هەموو رێکخراوێن بەشداری هەوا کومکرنا هاریکاریان کری و هندی ئاوارە و پەنابەر ل کەمپا بمینن ئەم خوب خزمەتکارێن وان دزانینن هەروەسان گوت هێڤیامە ئەوە ب زوترین دەم ئەڤ خەلکێ مە بشێن ڤەگەرنە سەر جهــ و وارێن خویێن پابو بابیرا و ل وارگەهێن خو شاد ببنەڤە،، 
هەژی کوتنێیە ئەڤ هەوە ژ لایێ فەرمانگەها رێکخراوێن نەحکومی یا سور ب ئەنجومەنێ وەزیران ڤە ل هەرێما کوردستانێ هاتیە ئەنجامدان و ب هاریکاریا ئیدارا پارێزگەهێ و دەزگایێ خێرخوازی یێ بارزانی ب بەشداریا ٩ رێکخراو و دازگایێن ل خوارێ 
ـ دەزگایێ خێرخوازی یێ بارزانی DCF
ـ رێکخراوا WHH ـ
ـ رێکخراوا JRS ـ
ـ رێکخراوا مروڤ دوستان
ـ رێکخراوا SRC ـ
ـ رێکخراوا AVSI ـ
لگەل دو رێکخراوێن دی کو بەشداری  هاریکاریان ببون.