گوته‌بێژی پۆلیسی ھەولێر رایگه‌یاند: هێزه‌كانیان باندێكی رێگریان دەستگیركرد، كە بە ھەڕەشەی چەك لە كاتی مامەڵەكردن، پارەیان لە چەند كەسێك وەرگرتووە.
هۆگر عزیز گوته‌بێژی پۆلیسی هه‌ولێر له لێدوانێكیدا رایگه‌یاند: باندێكی سێ كەسی لە شاری ھەولێر، دوای ئەوەی لە رێگەی سۆشیال میدیاوە رایان گەیاندووە دۆلاری لیبیان ھەیە و دەیانەوێت ئاڵوگۆڕی بكەن بە دۆلاری دیكە، لە كاتی مامەڵەكردن بە ھەڕەشەی چەك نزیكەی 50 ھەزار دۆلاریان لە چەند كەسێك بردووه، ئێمه توانیمان ده‌ستنیشانی ناوه‌كانیان بكه‌ین، ده‌ستگیریان بكه‌ین.
هۆگر عزیز رایگه‌یاند: دوای سكاڵاكردنی ھاووڵاتیان لەو باندە، ئه‌مڕۆ چوارشه‌ممه 30/6/2021، ئەو سێ كەسە دەستگیر كراون ڕەوانەی دادگا كران.
گوته‌بێژی پۆلیسی هه‌ولێر گوتیشی: هێزه‌كانمان دەستی بەسەر برێك لە پارەكە و چەكی جۆری كڵاشینكۆف، كە ھەڕەشەكەی پێكراوە و دوو ئۆتۆمبێلی دیكەشدا گرت، كە تاوانەكەیان پێ ئه‌نجامداوه.
کۆمێنت (0)
تا ئێستا هیچ کۆمێنتێک نەکراوە.