لهراگهیاندراوێكدا وهزارهتی كارهبای حكوومهتی ههرێمی كوردستان بڵاوی كردهوه: ئهمڕۆ دووشهمه 14 - 6 - 2021 ، كەمال محمد ساڵح وەزیری كارەبا پێشوازی لەزێدان خەلەف بەڕێوەبەری گشتی كارەبای باكوری وەزارەتی كارەبای حكومەتی فیدراڵی و شاندی یاوەری كرد.
وهزارهتی كارهبای حكوومهتی ههرێم رایدهگهێنێت: لهدیدارهكهدا باس لەو گرفت و كێشە تەكنیكیانەی كارەبا كرا كە لەناوچە كوردستانییەكانی دەرەوەی ئیدارەی هەرێم لەنێوان هەرێم و حكومەتی فیدراڵدا بوونیان هەیە.
وهزارهتی كارهبا ئاماژه بۆ ئهوهشدهكات: كه وهزیری كارهبای ههرێم لهكۆبوونهوهكهدا، داوای لەهەردوو لێژنەی پەیوەنداری كارەبا لەنێوان هەرێم و حكومەتی فیدڕاڵی كرد بەزووترین كات كار بۆ چارەسەركردنی سەرجەم ئەو گرفت و كێشانە بكەن .
لەلایەن خۆیانەوە شاندی وەزارەتی كارەبای عێراقی فیدڕاڵ، سوپاسی وەزیری كارەبایان كرد بۆ ئەو هەماهەنگی و كارئاسانییەی كە پێشكەشیان كراوە بۆ چارەسەر و یەكلاكردنەوەی كێشەكانی كارەبا لەتەواویی ناوچەكانی ماددەی 140.
لهكۆتاییدا وهزارهتی كارهبای حكوومهتی ههرێمی كوردستان رایدهگهێنێت: ههر لهدیدارهكهدا، لێژنەی باڵای هەردوو وەزارەت كۆبوونەوەكانی خۆیان دەست پێكردوو بڕیاردرا بۆ هەر پارێزگایەك كە سنوری ناوچه كانی دهرهوهی ئیدارهی ههرێم و ماددەی 140 دەیگرێتەوە لێژنەی تەكنیكی و ئیداریی تایبەت بەكارەبا دابمەزرێت.
شوان عهزیز
کۆمێنت (0)
تا ئێستا هیچ کۆمێنتێک نەکراوە.