به‌فڕۆکه‌ی بێ فڕۆکه‌وان هێرشکرایه‌ سه‌ر بنکه‌ی عه‌ین ئه‌سه‌د

به‌ره‌به‌یانی ئه‌مڕۆ شه‌ممه‌ 8-5-2021 به‌فڕۆكه‌ی بێ فڕۆكه‌وان هێرشكرایه‌ سه‌ر بنكه‌ی ئاسمانی عه‌ین ئه‌سه‌د له‌ رۆژئاوای پارێزگای ئه‌نبار.

له‌مباره‌یه‌وه‌ قه‌تری عوبه‌یدی، سه‌ركرده‌ له‌حه‌شدی عه‌شائیری  له‌لێدوانێكیدا بۆ ده‌زگاكانی راگه‌یاندن گوتی: به‌فڕۆكه‌ی بێ فرۆكه‌وان هێرشكرایه‌ سه‌ر بنكه‌ی ئاسمانی عه‌ین ئه‌سه‌د.

عوبه‌یدی گوتیشی:  له‌سه‌دا 90ی ئه‌وانه‌ی له‌نێو بنكه‌ ئاسمانییه‌كه‌دان، له‌سوپای عێراق و هێزه‌ ئه‌منییه‌كانی دیكه‌ پێكهاتوون،ته‌نها سه‌دا 5ی هێزه‌كانی هاوپه‌یمانی نێوده‌وڵه‌تی تێدایه‌.

قه‌تری عوبه‌یدی ئاماژه‌ی به‌وه‌شداوه‌ كه‌ ئه‌مه‌ جاری دووه‌مه‌ له‌ماوه‌ی چوار رۆژدا هێرش ده‌كرێته‌ سه‌ر بنكه‌ ئاسمانییه‌كه‌،بێ ئه‌وه‌ی باس زیانه‌ گیانی و مادییه‌كان بكات.

وه‌رگێڕان و داڕشتنه‌وه‌ی / رزگار