لە شاری کازابلانکا باکووری رۆژئاوای مەغریب، ژنێکی خەڵکی مالی بە یەکجار پێنج کچ و چوار کوڕی بوو.
وەزارەتی تەندروستیی مالی لە راگەیەندراوێکدا ئەوەی خستووەتەڕوو کە ئەو ژنە ناوی حەلیمە سیسی-ە و لەڕێی نەشتەرگەرییەوە لە شاری کازابلانکا باکووری رۆژئاوای مەغریب منداڵی بووە.
باس لەوەش کراوە کە لەئێستادا رەوشی تەندروستی دایک و کۆرپەکان جێگیرە.
ئەو پشکنینانەی پێشتر لە باماکۆ-ی پایتەختی مالی، بۆ حەلیمە سیسی ئەنجامدراون ئەوەیان نیشانداوە کە بە حەوت کۆرپە دووگیانە.
دواتر ناوبراو لە ٣٠ی ئاداردا بۆ چاودێریکردنی تەندروستیی نێردراوەتە مەغریب و هەر لەوێش منداڵەکانی بووە.
خەرجی گەشتەکە و منداڵبوونەکەی حەلیمە سیسی لەلایەن حکوومەتی کاتی مالی-یەوە دابین کراوە.
کۆمێنت (0)
تا ئێستا هیچ کۆمێنتێک نەکراوە.