دوو پەیامی سەرەخۆشیی لە بارەگای بارزانییەوە

په‌یامی سه‌ره‌خۆشی باره‌گای بارزانی بۆ خانه‌واده‌ی مینه‌ خان ئاغا ده‌ربه‌ندی

به‌ناوی خودای به‌خشنده‌ و میهره‌بان

به‌ڕێزان، خانه‌واده‌ی مینه‌ خان ئاغا ده‌ربه‌ندی

به‌دڵگرانیه‌كی زۆره‌وه‌ هه‌واڵی كۆچی دوایی پێشمه‌رگه‌ی به‌وه‌فا و دڵسۆزی شۆڕشی ئه‌یلوول و گوڵان و كه‌سایه‌تی دیاری باڵه‌كایه‌تی (مینه‌ خان ئاغا ده‌ربه‌ندی)مان بیست.
پرسه‌ و سه‌ره‌خۆشی ئاڕاسته‌ی خانه‌واده‌ به‌ڕێز و نیشتیمانپه‌روه‌ره‌كه‌تان و ته‌واوی دۆست و خزمانی خوالێخۆشبوو ده‌كه‌ین، خۆمان به‌هاوبه‌شی خه‌متان ده‌زانین.
له‌خودای گه‌وره‌ داواكارین به‌ دڵنه‌وایی و ئارامی به‌خشین خانه‌واده‌ و كه‌سوكارتان به‌سه‌ر بكاته‌وه‌ و گیانی خوالێخۆشبوو مینه‌ خان ئاغا ده‌ربه‌ندی به‌ر دلۆڤانی خۆی بخات و به‌ به‌هه‌شتی به‌رینی شاد بكات.
انا لله وانا الیە راجعون

بارەگای بارزانی
24ـى 4ـى 2021

په‌یامی سه‌ره‌خۆشی باره‌گای بارزانی بۆ خانه‌واده‌ی هونه‌رمه‌ند نازم عه‌لی کاکه‌یی
به‌ناوی خودای به‌خشنده‌ و میهره‌بان
به‌ڕێزان، له‌ خانه‌واده‌ی هونه‌رمه‌ند نازم عه‌لی کاکه‌یی
به‌داخێکی زۆره‌وه‌ هه‌واڵی کۆچی دوایی هونه‌مه‌ندی دیاری کوردستان(نازم عه‌لی کاکه‌یی)مان بیست.

کاک نازم کاکه‌یی له‌مێژووی هونه‌ری خۆیدا خزمه‌تێکی زۆری به‌ ره‌سه‌نایه‌تی میلله‌ته‌که‌ی کردووه‌ و جێده‌ستی دیاره‌.
به‌م بۆنه‌ خه‌مناکه‌وه‌ پرسه‌ و سه‌ره‌خۆشی ئاڕاسته‌ی خانه‌واده‌ به‌ڕێزه‌که‌تان سه‌رجه‌م هونه‌رمه‌ندانی کوردستان و ته‌واوی خزم و دۆستانی خوالێخۆشبوو ده‌که‌ین.
له‌ خودای مه‌زن داوکارین دڵنه‌وایی و ئارامی به‌خانه‌واده‌ و که‌سوکارتان ببه‌خشێت و گیانی خوالێخۆشبوو کاکه‌ نازم به‌ر دلۆڤانی خۆی بخات و به‌ به‌هه‌شتی به‌رینی شاد بکات.
‎انا لله وانا الیە راجعون

‎بارەگای بارزانی
24ـی 4ـی 2021