د. موئه‌یه‌د ئه‌غالى راگه‌هاند: ل پارێزگه‌ها دهۆكێ، ژئه‌گه‌رێ سستبوونا وه‌لاتیان ب رێنمایێن خۆپاراستنى كۆرۆنا یا زێده‌بیت.
سه‌رپه‌رشتێ چاره‌سه‌ركرنا تووشبوویێن كۆرۆنایێ ل ساخله‌میا پارێزگه‌ها دهۆكێ دیاركركو پلانا چاره‌سه‌ركرنا تووشبوویێن كۆرۆنایێ هاتیه گوهارتن بتنێ تووشبوویێن ره‌وشا وان دژوار و مه‌ترسیدار ل نه‌خۆشخانێ دهێنه نڤاندن كو ژئه‌گه‌رى سستبوونا وه‌لاتیان ب رێنمایێن خۆپاراستنى ژ ڤایرۆسێ كۆرۆنایێ جاره‌كا دی ڤایرۆسێ كۆرۆنایێ زێده‌بوویه.
د. موئه‌یه‌د ئه‌غالى، سه‌رپه‌رشتێ چاره‌سه‌ركرنا تووشبوویێن كۆرۆنایێ ل ساخله‌میا پارێزگه‌ها دهۆكێ راگه‌هاند: كو نوكه ل دهۆكێ 34 تووشبوویێن كۆرۆنایێ دناڤ نه‌خۆشخانه‌یێن دهۆكێ دا چاره‌سه‌ریێ وه‌ردگرن ژوانا ژى 19 تووشبووی د چاڤدێریا چڕ دانه و رۆژانە هژمارا تووشبوویان زێده‌دبیت د به‌رامبه‌ر ژى دا رێژا مرنێ ژى زێده بیت كو نوكه پلان هاتیه گوهارتن یا چاره‌سه‌ركرنا تووشبوویێن كۆرۆنایێ كو ئه‌و تووشبوویێن ره‌وشا وان دژوار و مه‌ترسیدار ل نه‌خۆشخانێ دهێنه نڤاندن.
گۆتژى: ئه‌و تووشبوویێن ل سه‌ر ئامیرێ هه‌ناسه‌دانا ده‌ستكرد دهێنه چاره‌سه‌ركرن ئه‌ڤه دقۆناغێن دووماهى یێا چاره‌سه‌ریێ دانه، گه‌له‌ك نه‌خۆش هه‌نه ژ كۆرۆنایێ چارەسەردبن، ده‌مێ ل سه‌ر ئامیرێ هه‌ناسه‌دانا ده‌ستكرد دهێنه چاره‌سه‌ركرن.
کۆمێنت (0)
تا ئێستا هیچ کۆمێنتێک نەکراوە.