له ده‌ست پێكی گه‌ری بیست و نۆیه‌مینی خولی یانه‌كانی ئینگلته‌را یانه‌ی لیدز یونایتد له ده‌ره‌وه‌ی یاریگای خۆی سه‌ركه‌وتنی به‌سه‌ر یانه‌ی فۆلهامی میوانداری تۆمار كرد.
یاریه‌كه له‌سه‌ر یاریگای كراڤین كۆتاج له فۆلهام به‌رێوه چوو ، له خوله‌كی بیست و نۆ میوانه‌كان به گۆلێك پێشكه‌وتن گۆله‌گه‌ش یاریزانی ئینگلیزی پاتریك بامفۆرد تۆماری كرد ، به‌لام خاوه‌ن مال دوای ده خوله‌ك گۆلی یه‌كسان بونیان له رێگای یاریزانی دانیماركی یواكیم ئوندرسۆن تۆمار كرده‌وه‌و یاریه‌كه‌یان گه‌رانده‌وه خالی سه‌ره‌تا .
له گێمی دووه‌میش یاریزانانی هه‌ردوولا له هه‌ولی تۆمار كردنی گۆلی سه‌ركه‌وتن و به‌ده‌ست هێنانی سێ خالی یاریه‌كه بوون تا له خوله‌كی په‌نجاو هه‌شت رافینیای به‌رازیلی به تۆمار كردنی گۆلی دووه‌م جارێكی تر میوانه‌كانی پێشخست و یاریش به‌م ئه‌نجامه له سوودی یانه‌ی لیدز یونایتد كۆتایی پێ هات و یانه‌كه دوازده‌مین بردنه‌وه‌ی له‌م وه‌رزه‌ی خوله‌كه‌ی به‌ده‌ست هێناو كۆی خاله‌كانیشی له پله‌ی یازده‌هه‌مینی ریزبه‌ندی بۆ سی و نۆ خال به‌رزكرده‌وه ، یانه‌ی فۆلهامیش تووشی چوارده‌هه‌مین دۆراندن هات و بیست و شه‌ش خالی هه‌یه‌و له‌پله‌ی هه‌ژده‌هه‌مینی ریزبه‌ندی دێت.
لیدز یونایتد سه‌رکه‌وتنی به‌سه‌ر فولهام تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.