سیڤیلیه‌ سه‌رکه‌وتنی به‌سه‌ر ئیلچی تۆمارکرد

لە یاریەكی دواخراوی هەفتەی دووەمی خولی ئیسپانیا، یانەی سیڤیلیە بە دوو گۆڵی بێ‌ بەرامبەر لە یانەی ئێلچی میوانی بردەوە.
 لە خولەكی چلوسێدا، هێرشبەری مەغریبی یوسف نەسیری گۆڵێكی بۆ سیڤیلیە به‌ لێدانی سه‌ر تۆماركردو گێمی یەكەم بەم ئەنجامە تەواوبوو.
 لە گێمی دووەمیش هێرشەكانی یاریزانانی سیڤیلیە بۆ سەر گۆڵی میوانەكەیان درێژەی هەبوو، تا لە دوا ساتەكانی یاریدا، ناوەڕاستكاری ئەرژەنتینی فرانكۆ ڤازكوێز گۆڵی دووەم و دڵنیایی تیپی میوانداری به‌ شێوازێكی جوان بەدەستهێنا.
 بەم بردنەوەش كۆی خاڵەكانی سیڤیلیە لە پلەی چوارەمی ڕیزبەندی یانەكان بۆ پەنجاوچوار خاڵ بەرزبووەوەو ئێلچیش بە بیستوچوار خاڵ لە پلەی حەڤدەمی ڕیزبەند مایەوە .