له هه‌فته‌ی بیست وپێنجه‌می خولی یانه‌كانی ئیسپانیاو له یاری لوتكه‌دا، كاتژمێر شه‌ش و پازده خوله‌كی ئێواره‌ی ئه‌مرۆ شه‌ممه 27 ى 2 ى 2021 ، یانه‌ی بارسێلۆنا ده‌بێته میوانی یانه‌ی سیڤیلیه.
دوای ئه‌م یاریه‌ش چوارشه‌ممه‌ی داهاتوو له گه‌ڕی هاتنی قۆناغی پێش كۆتایی جامی شای ئیسپانیا بارسا له یاریگای خۆی میوانداری هه‌مان یانه ده‌كات، بۆ خۆئاماده‌كردن بۆ یاری ئه‌مرۆ، یاریزانانی بارسێلۆنا دوایین یه‌كه‌ی مه‌شقیان سازكردو یاریزان ڕۆناڵد ئه‌راوخۆ دوای چاك بوونه‌وه‌ی پێكانی جارێكی دیكه گه‌ڕایه‌وه مه‌شقه‌كانی تیپه‌كه.
هاوكات میرالیم پیانیچی بۆسنی به‌هۆی پێكانی كۆزینكی قاچی ڕاستی له پێكهاته‌ی بلاوگڕانا دابڕاوه، بارسیلۆنا به كۆكردنه‌وه‌ی په‌نجا خاڵ له پله‌ی سێیه‌می ڕیزبه‌ندی یانه‌كان دایه‌و سیڤیلیه‌ش به چلوهه‌شت خاڵ له پله‌ی چواره‌م دێت و یاریه‌كی دواخراوی ماوه.
ڕۆناڵد كۆمانی هۆڵه‌ندی و ڕاهێنه‌ری بارسێلۆنا له كۆنگره‌یه‌كی ڕۆژنامه‌وانیدا ڕایگه‌یاند كه له‌م هه‌فته‌یه‌دا دوو یاریان له‌به‌رامبه‌ر سیڤیلیه له خول و جامی شای ئیسپانیا هه‌یه‌و هه‌وڵی بردنه‌وه‌ی هه‌ردوو یاریه‌كه ده‌ده‌ن.
كۆمان گوتیشی، له گه‌ڕی چوونی قۆناغی پێش كۆتایی جامی شای ئیسپانیا به دوو گۆڵی بێ به‌رامبه‌ر به سیڤیلیه دۆڕاین و له خولی ئیسپانیاش ده‌بێت خاڵه‌كان له‌ده‌ست نه‌ده‌ین و له خانه‌كانی پێشه‌وه دوورنه‌كه‌وینه‌وه، بۆیه زۆر گرنگه له هه‌ردوو یاری داهاتووماندا سه‌ركه‌وتن تۆماربكه‌ین و له ڕكابه‌ریكردن له‌سه‌ر نازناوی لالیگاو كۆپا دێل ڕێ به‌رده‌وام بین.
ئه‌م ئێواره بارسێلۆنا ده‌بێته میوانی سیڤیلیه
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.