له یاری لوتكه‌ی هه‌فته‌ی بیست وچواره‌می خولی یانه‌كانی ئینگلته‌را، یانه‌ی مانچسته‌رسیتی پێشه‌نگی ڕیزبه‌ندی یانه‌كان میوانداری یانه‌ی تۆتنهامی كرد كه ئه‌مه‌ش ڕووبه‌ڕوو بوونه‌وه‌یه‌كی تایبه‌ت بوو له نێوان هه‌ردوو ڕاهێنه‌ر پیپ گواردیۆلای ئیسپانی و خۆزێ مۆرینیۆی پۆرتوگالی، له‌ئه‌نجامدا مان سیتی سه‌ركه‌وتنێكی گرنگی به‌ده‌ستهێناو به سێ گۆڵی بێ به‌رامبه‌ر یاریه‌كه‌ی برده‌وه‌و برینی تۆتنهامی قوڵتر كرد.
له گێمی یه‌كه‌مدا تیپی خانه‌خوێ به گۆڵێك پێشكه‌وت، گۆڵه‌كه‌ش ناوه‌ڕاستكاری ئیسپانی ڕۆدریگۆ هێرناندێز له خوله‌كی بیستوسێ به لێدانی سزا تۆماری كرد.
له گێمی دووه‌م و له خوله‌كی په‌نجادا، ئێلكای گۆندوگانی ئه‌ڵمانی گۆڵی دووه‌می سیتیزێنزی به‌ده‌ستهێنا، پاشان هه‌مان یاریزان گۆڵی دووه‌می خۆی و سێیه‌می تیپه‌كه‌ی له خوله‌كی شه‌ستوشه‌ش تۆماركرد، به‌م ئه‌نجامه‌ش مان سیتی درێژه‌ی به ئاسته به‌رزه‌كه‌ی داو شازده‌مین یاری له‌م وه‌رزه‌ی پرێمه‌رلیگ برده‌وه‌و كۆی خاڵه‌كانی له سه‌رووی لیستی ڕیزبه‌ندی یانه‌كان گه‌یانده په‌نجاوسێ خاڵ.
تۆتنهامیش حه‌وته‌م یاری له‌م وه‌رزه‌ی خوله‌كه دۆڕاندو خاڵه‌كانی له پله‌ی هه‌شته‌می ڕیزبه‌ند له سیی و شه‌ش خاڵ وه‌ستا .
مانچسته‌ر سیتی سه‌رکه‌وتنێکی گرنگی به‌سه‌ر تۆتنهام تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.