ئەڤرۆ رۆژا دووشەمبی رێکەفتی٢٠٢١/٢/٨ بەرێز "د.عەلی تەتەر" پارێزگارێ دهۆکێ ب بەرهەڤبوونا رێڤەبەرێ رێڤەبەریا وەرزشی ل پارێزگەها دهۆکێ و سەروک و ئەندامێن دەستەیا کارگێریا یانا ئافرەتێن دهۆکێ رێزلێنان و پیرۆزباهی پێشکێشی تیما یاریا فوتسالێ قارەمانا خۆلا پلا نایابا هەرێما کوردستانێ کرن.
دمەراسیمێن رێزلێنانێ دا پارێزگارێ دهۆکێ دپەیڤەکێدا ئاماژە ب گرنگیا وەرزشێ و سەرکەفتنا یانا ئافرەتێن دهۆکێ دقارەمانیا فوتسالێ دا بلندنرخاند و گوت: هەوە ب تەکنیکەکا بلند و ب گیانەکێ پری لێبورین و وەرزشیی یاریی دکر، و هیڤیدارین ئەڤ رحا لێبورینا وەرزشی دهەمی سێکتەراندا رەنگڤەدەت.
پاشان دپەیڤەکێدا سەرۆکا یانا ئافرەتێن دهوکێ: سۆپاسیا پێشوازیا پارێزگارێ دهۆکێ و پشتەڤانیا وان بو کەرتێ وەرزشی کر، و رۆنکرنەک ل دۆر رەوشا یانێ و پێدڤیێن وان پشێشکێشکر.
هەروەسا پارێزگارێ دهۆکێ راگەهاند: ئەم ل کارگێریا پارێزگەها دهۆکێ ل دویڤ شیانێن بەردەست هەولا پشتەڤانیا هەمی سێکتەران ددەین و یا مەپێ چێ بیت بو پشتەڤانیا وەرزشێ مەئەنجامدایە و دێ دبەردەوام بین.
پارێزگارێ دهۆکێ رێزلێنان و پیرۆزباهی پێشکێشی تیما قارەمانا فوتسالا هەرێما کوردستانێ کر
100%
کۆمێنت (0)
تا ئێستا هیچ کۆمێنتێک نەکراوە.