ئه‌مجاره‌ش په‌رله‌مانی ئه‌و وڵاته كه زۆرینه‌ی له ئه‌ندامه بنه‌ماخوازه‌كان پێكدێت، پڕۆژه‌یاسای بوودجه كه حه‌سه‌ن روحانی پێشكه‌شیكردووه، ره‌تكرده‌وه.
له كۆتا ده‌نگداندا 99 په‌رله‌مانتار به به‌ڵێ، 148 په‌رله‌مانتار به نه‌خێر ده‌نگیاندا و 12 په‌رله‌مانتاریش ره‌تیانكرده‌وه به به‌ڵێ یان نه‌خێر ده‌نگ بده‌ن.
به‌م ئه‌نجامه‌یش، پڕۆژه یاسای بوودجه ده‌گه‌ڕێندرێته‌وه بۆ حكوومه‌ت تا گۆڕانكاری ریشه‌یی تیادا بكرێت.
حه‌سه‌ن روحانی، سه‌ركۆماری ئێران، خۆی به‌شداری كۆبوونه‌وه‌كه‌ی په‌رله‌مانی نه‌كرد و له‌بری ئه‌و محه‌مه‌د باقر نۆبه‌خت، یاریده‌ده‌ری سه‌ركۆمار و سه‌رۆكی ده‌زگای پلانی بوودجه، به‌شداریی كرد.
پێش ئه‌وه‌ی پڕۆژه یاساكه بخرێته ده‌نگدانه‌وه، محه‌مه‌د باقر قالیباف ،سه‌رۆكی په‌رله‌مان، گوتارێكی پێشكه‌ش كرد و ئه‌وه‌ی خسته‌ڕوو كه حه‌سه‌ن روحانی-یان بۆ كۆبوونه‌وه‌كه‌ی په‌رله‌مان بانگێشتكردووه به‌ڵام وه‌ڵامی بانگێشته‌كه‌یانی نه‌داوه‌ته‌وه.
محه‌مه‌د باقر قالیباف گوتی: "پێویستبوو جه‌نابی سه‌ركۆمار به‌شداری ئه‌م كۆبوونه‌وه‌یه‌ی بكردایه و وه‌ك حكوومه‌ت ده‌رباری یارمه‌تییه كۆمه‌ڵایه‌تییه‌كان، هه‌نارده‌ی نه‌وت و به‌های دراو روونكردنه‌وه‌ی بدایه. ئه‌م كاره له به‌رژه‌وه‌ندی هه‌ریه‌كه له په‌رله‌مان و حكوومه‌ت ده‌بوو. ره‌نگبوو به‌م شێوه‌یه به‌شێكی ناڕوونییه‌كان له‌ناوبچن و له هه‌ندێك بابه‌تیشدا متمانه دروست ببێت".
کۆمێنت (0)
تا ئێستا هیچ کۆمێنتێک نەکراوە.