ئەمساڵ بەراورد بە ساڵانی ڕابردوو ژمارەی گەشتیاران بۆ تورکیا زیادیکردووە بەجۆرێک له پێنج مانگی یەكەمی ساڵدا تورکیا میوانداریی 12 ملیۆن و 757 هەزار و 522 گەشتیار سەردانی تورکیایان کردووە.
بەپێی ئامارەكانی وەزارەتی كولتوور و گەشتیاریی سەبارەت به هاتن و رۆیشتن له دەروازه سنوورییەكان و فڕۆكەخانەكان، له مانگی ئایاردا چوار ملیۆن و 22 هەزار و 254 گەشتیار سەردانی توركیایان كردووه.
بەوشێوەیەش ژمارەی ئەو گەشتیارانەی له مانگی ئایاردا سەردانی توركیایان كردووه، بەراورد به هەمان مانگی ساڵی رابوردوو لەسەدا 9.35% زیادیكردووه.
هەر بەپێی ئامارەكان له پێنج مانگی یەكەمی ئەمساڵ 12 ملیۆن و 757 هەزار و 522 گەشتیار له توركیا میوانداریی كراون كه بەراورد به هەمان ماوەی ساڵی رابوردوو، ژمارەكه لەسەدا 11.3 زیادیكردووه.
ئامادەکردنی - سیامەند کەریم
کۆمێنت (0)
تا ئێستا هیچ کۆمێنتێک نەکراوە.