به پێی گرته ڤیدیۆیه‌ك، پیاوێك كه ماوه‌ی هه‌شت مانگه هاوسه‌رگیری كردووه، هاوسه‌ره‌كه‌ی له ئامێز ده‌كات و له‌سه‌رپردێكی توركیا فرێی ده‌داته خواره‌وه.
گرته‌كان له‌لایه‌ن كامیرای چاودێری شوێنه‌كه تۆماركراون و ده‌رده‌كه‌وێ كه‌دوای شه‌ڕی نێوانیان پیاوه‌كه ده‌یه‌وێت هاوسه‌ره‌كه‌ی رازی بكات و بگه‌رێنه‌وه ماڵه‌وه.
به‌پێی پێگه‌ی لایف لیك، دوای ئه‌وه‌ی پیاوه‌كه له هه‌وڵه‌كه‌ی سه‌ركه‌وتوو نابێت، زۆر تووڕه ده‌بێت و هاوسه‌ره‌كه‌ی له ئامێز ده‌گات له‌سه‌ر پردێك فرێی ده‌داته خواره‌وه كه به‌رزییه‌كه‌ی 12 مه‌تره.
دوای ئه‌وه‌ی ئافره‌ته‌كه له‌سه‌ر پرده‌كه ده‌كه‌وێته خواره‌وه ، له‌به‌ر تووندی ئازاره‌كانی هاوار ده‌كات و داوای یارمه‌تی له‌كه‌سه نزیكه‌كانی ئه‌و شوێنه ده‌كات.
پاشان ئافره‌ته‌كه ده‌گه‌ینرێته نه‌خۆشخانه‌و تا ئێستاش باری ته‌ندروستیی مه‌ترسیداره، دواتریش پیاوه‌كه ده‌چێته بنكه‌یه‌كی پۆلیس خۆی راده‌ست ده‌كات.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.