به هۆی چله‌ی کۆچی دوایی هونه‌رمه‌ندی کارتۆنیست " ئه‌میر سوهه‌یلی " له سنەی ناوەندی پارێزگای کوردستان پیشانگایه‌کی کاریکاتێری کرایه‌وه .
به به‌شداری بەرچاوی ژماره‌یه‌ک له هونه‌رمه‌ندان و لایەنگرانی کاریکاتێر، ڕۆژی هەینی رابردوو 4/1/2019، پێشانگایه‌کی کاریکاتێر له گه‌له‌ری هونه‌ری شاری سنە، کرایەوە ، ئەم پیشانگایه 40 کاریکاتێری هونه‌رمه‌ندی کۆچکردوو " ئه‌میر سوهه‌میلی" لە خۆ گرتووە .
له میانه‌ی کردنه‌وه‌ی پیشانگاکەدا كه بریاره تا كۆتایی ئه‌م هه‌فته‌یه به‌رده‌وام بێت ، پۆستەری یه‌که‌مین دووساڵانه‌ی نێونه‌ته‌وه‌یی کاریکاتێری ڕۆژنامه و میدیا کوردییه‌کان نمایشكران .
سوهه‌یلی سه‌رۆکی ئه‌نجومه‌نی کارتۆن و کاریکارێستی پارێزگای کوردستان بوو ، له ده‌یان فێستیڤاڵی ناوخۆیی لە ئێران و لە ئاستی جیهاندا خەڵاتی وەرگرتووە ، ناوبراو له گه‌ڵ چه‌ندین گۆڤار و ڕۆژنامه‌ی کوردستان و ئێران هاوکار بووە .
"ئه‌میر سوهه‌یلی" هونه‌رمه‌ندی کاریکارێست و سه‌رۆکی ئه‌نجومه‌نی کارتۆن و کاریکاتێری پارێزگای کوردستان لە ئێران لە ڕووداوێکی هاتوچوودا گیانی له‌ده‌ستدا.
کۆمێنت (0)
تا ئێستا هیچ کۆمێنتێک نەکراوە.