به‌هۆی خۆپیشاندانه‌کانه‌وه‌ حکومه‌تی عێراق هێلی ئینته‌رنێتی له‌سه‌ر چه‌ند پارێزگایه‌ک بڕیوه‌

به‌پێی هه‌واڵێكی سۆمه‌ر نیوز به‌ هۆی خۆپیشاندانه‌كانه‌وه‌ حكومه‌تی عێراق هێلی ئینته‌رنێت له‌ سه‌ر چه‌ند پارێزگای عێراق تا به‌ره‌به‌یانی ئه‌مڕۆ بڕیوه‌.

ئه‌و هه‌نگاوه‌ی حكومه‌تی عێراق هاووڵاتیانی تووڕه‌ كردووه‌و هاوكاتیش بۆته‌ هۆی وه‌ستانی كاره‌كانی زۆربه‌ی كۆمپانیا و فڕۆكه‌خانه‌كان.

هه‌روه‌ها پێگه‌ی سۆمه‌رییه‌ نیوز ده‌ڵێت: له‌شه‌وی رابردووه‌وه‌ خزمه‌تگوزاری تۆڕی ئینته‌رێت له‌زۆربه‌ی پارێزگاكانی عێراق لاوازبووه‌و تا ئێستاش هۆكاره‌كه‌ی روون نه‌كراوه‌ته‌وه‌.

چه‌ند رۆژیكه‌ له‌ به‌شێكی زۆری پارێزگاكانی ناوه‌ڕاست و خوارووی عێراق هاووڵاتیان ده‌ستییان به‌ خۆپیشاندان كردووه‌و داوای چاكسازی و دامه‌زراندن و خزمه‌تگوزاری زیاتر له‌ حكومه‌تی عێراق ده‌كه‌ن.

ئاماده‌كردنی: رزگار