هه‌ڵبژارده‌ی تۆپی پێی سعودیه یه‌كێك له هه‌ڵبژارده به‌شداره‌كانی جامى جیهانى رووسیا 2018 ، هه‌وادارێكى زۆر له‌سعودیه‌وه هاتوون بۆ رووسیا بۆ پالپشتیان له‌هه‌ڵبژارده‌كه‌یان له‌پێناو ئه‌وه‌ى بتوانن ژماره 12 بن بۆیان له‌پشتگیری و هاندانی یاریزانان تا بتوانن له‌یاریه‌كان ژماره‌یه‌كى ئاسان نه‌بن ، باڵوێزى سعودیه له‌وڵاتى رووسیا په‌یامێك ده‌دات به‌هه‌وادارانى هاتوو بۆ رووسیا ناوبراو ڕایده‌گه‌یه‌نێت ، هه‌ر هانده‌رێك له‌گه‌ڵ گه‌یشتنی به وڵاتی ڕوسیا سه‌ردانى باڵوێزخانه‌مان بكات و ناوی خۆی و جێگه‌ی مانه‌وه‌ی تۆمار بكات ، هه‌روه‌ها باڵوێز خانه‌كه ڕێنمایی سعودیه‌كان ده‌كات كه هه‌موو كات پاسپۆرته‌كانیان به خۆیان بێت .
باڵوێزخانه‌ی سعودیه له‌به‌شێكى دیكه‌ى په‌یامه‌كه‌ى بۆ هه‌واداران رایده‌گه‌یه‌نێت ، دووربن له توندوو تیژی و ڕه‌گه‌ز په‌رستی و جیاوازی ڕه‌نگ و ئاین و نه‌ته‌وه له ناوه‌وه‌ی یاریگه و له ده‌ره‌وه‌ی یاریگه پالپشتیه‌كى باش و جوان پێشكه‌ش به‌هه‌ڵبژارده‌ى وڵات بكه‌ن ، باڵوێزخانه‌ى سعودیه له‌به‌شێكى دیكه‌ى په‌یامه‌كه‌ى به‌هه‌واداران رایده‌گه‌ینێت ، هیوا ده‌خوازین هه‌وادارانمان تا دره‌نگانى شه‌و له‌شه‌قام و ده‌ره‌وه نه‌بن ، وه‌دور كه‌ونه‌وه له‌شوێنى زۆر قه‌ره‌باڵغ ، وه‌ڕێز له‌داب و نه‌ریتى وڵاتمان بگرن كارێك نه‌كه‌ن یاساكانى وڵات بشكێنێ ئه‌و كات رووبه‌رووی یاسا ده‌بنه‌وه
کۆمێنت (0)
تا ئێستا هیچ کۆمێنتێک نەکراوە.