دواى ئه‌وه‌ى دوێنێ ئێواره په‌رله‌مانى عێراق به زۆرینه‌ى ده‌نگ چه‌ند بریارێكى له‌مه‌ڕ كۆمیسیۆن و ئه‌نجامه‌كانى ده‌نگدانى 12/5/2018 هه‌مواركرده‌وه و كه تێیدا بریاڕدرا به هه‌ڵوه‌شاندنه‌وه‌ى ده‌سته‌ى سه‌رۆكایه‌تى كۆمسیاران و هه‌لپه‌ساردنى سه‌رجه‌م لقه‌كانى كۆمسیۆنى پارێزگاكانى عێراق هه‌روه‌ها هه‌ڵوه‌شاندنه‌وه‌ى ده‌نگه ئه‌لیكترۆنییه‌كان دووباره به‌ده‌ست هه‌ژماركردنه‌وه و پوچه‌ڵكردنه‌وه‌ى سه‌رجه‌م ده‌نگه تایبه‌تییه‌كان و ئاواره‌و ده‌نگه‌كانى ده‌ره‌وه .
له‌و باره‌یه‌وه شاره‌زایه‌كى یاسایى عێراقى دكتۆر سوفیان عه‌باس" سه‌باره‌ت به ده‌ركردنى ئه‌و بریارانه‌ى په‌رله‌مانى عێراق گووتى: وه‌ك بنه‌ماى ته‌شریعى یاسایى پێویسته هه‌موارى هه‌ریاسایه‌ك له به‌رژه‌وه‌ندى گشتى دابێت ، به‌ڵام ئه‌وه‌ى كه دوێنێ له په‌ڕله‌مان بریارى له‌سه‌ر درا جگه له نایاسایى بوونى له به‌رژه‌وه‌ندى لایه‌نى دۆراوى تایبه‌ت بووه
هه‌روه‌ها له‌باره‌ى ده‌سه‌ڵاته‌كانى په‌ره‌له‌مان گووتى: دواى ئه‌وه‌ى ئه‌نجامه‌كانى هه‌ڵبژاردن ئاشكراكران و لیسته‌كان رێژه‌ى ده‌نگ و كورسیه‌كانیان دیارى كرا په‌رله‌مانى عێراق كۆتایى به ده‌سه‌ڵاتى هاتووه توانای ده‌ركردن و هه‌مواركردنه‌وه‌ى یاساى نامێنێت به پێى یاساى هه‌ڵبژاردن ، ئه‌وه‌ى له‌تواناى په‌رله‌مان دابێت ته‌نیا تانه‌لێدان و سكاڵاكردنه له پێشێلكاریه‌كان و ئه‌نجامه‌كانى هه‌ڵبژاردن له لاى دادگاى فیدرالى و لێژنه‌ى باڵاى دادوه‌رى
له كۆتایدا دكتۆر سوفیان باسى له وه‌كرد: دادگاى فیدرالى رێگره له ره‌تكردنه‌وه‌ى ئه‌و یاسا ده‌ستوریانه‌ى كه ناكۆكن له‌گه‌ڵ بنه‌ماكانى مافى گشتى
کۆمێنت (0)
تا ئێستا هیچ کۆمێنتێک نەکراوە.