زێدان ڕاهێنه‌رى یانه‌ى ریال مه‌دریدى ئیسپانى ، له‌كۆنگره‌یه‌كى ڕۆژنامه‌وانى له‌به‌رده‌م ڕۆژنامه‌نووسان له‌سه‌ر یاری یانه‌كه‌یان له‌به‌رامبه‌ر بایرن له‌یاری چوون له‌قۆناغى پێش كۆتایی چامپیۆنس لیگ دواو ڕایگه‌یاند
بۆ یاری ئه‌مشه‌ومان له‌به‌رامبه‌ر بایرن ئاماده‌ین بتوانین سه‌ركه‌وتن به‌ده‌ست بهێنین ، له‌م وه‌رزه‌دا له‌خولى یانه پاڵه‌وانه‌كانى ئه‌وروپا باش بووین جیاواز له‌لالیگا ، بۆیه ده‌مانه‌وێت سه‌ركه‌وتووبین له‌م قۆناغه‌شدا ، توانایه‌كى باشى خۆمان ده‌خه‌ینه گه‌ڕ له‌پێناو سه‌ركه‌وتنمان ، وه‌ته‌واوى یاریزانانمان ئاماده‌ن بۆ ئه‌م یاریه وه‌له‌ڕووى جه‌سته‌ى به‌شێوه‌یه‌كى ئارام بۆ یاریه‌كه ئاماده‌ین و سه‌رجه‌م یاریزانانمان حه‌ز به‌یاری كردن له‌به‌رامبه‌ر بایرن ده‌كه‌ن ، وێڕاى ئه‌وه‌ى بایرن یانه‌یه‌كى باش و به‌قۆناغێكى باشدا تێپه‌ڕده‌بێت و ڕێزیان لێده‌گرین ، وه‌خاوه‌ن ڕاهێنه‌رێكى به‌توانا و سه‌ركه‌وتووه .
زێدان له‌كۆنگره ڕۆژنامه‌وانیه‌كه گرنگى به‌شدارى هه‌ریه‌ك له‌ڕامۆسى كاپتن و ئه‌ستێره‌ى یانه‌كه ڕۆناڵدۆى ڕاگه‌یاند كه‌به‌شدارى ئه‌م دوو ئه‌ستێره‌یه بۆ یانه‌كه گرنگه ، وه‌زێدان هیواشى خواست ڕۆناڵدۆ وه‌ك یاریه‌كانى پێشوو بتوانێ سه‌ركه‌وتن بۆ ڕیال به‌ده‌ست بهێنێت وه‌خۆشى ده‌زانێ له‌به‌رامبه‌ر یانه ئه‌ڵمانیه‌كان چۆن گۆل تۆمار ده‌كات و سه‌ركه‌وتن به‌ده‌ست ده‌هێنێت
ئه‌مڕۆ چوار شه‌ممه كاتژمێر 9:45 شه‌و به‌كاتى هه‌ولێر له‌یاری چوون له‌قۆناغى پێش كۆتایی خولى یانه پاڵه‌وانه‌كانى ئه‌وروپا ، بایرن میونشن میوانداری ریال مه‌درید ده‌كات
کۆمێنت (0)
تا ئێستا هیچ کۆمێنتێک نەکراوە.