ژماره‌یه‌کی زۆر چه‌کداری داعش له‌نێو ناحیه‌ی جه‌له‌ولا دان

به‌ڕێوه‌به‌ری ناحیه‌ی جه‌له‌ولا رایده‌گه‌ێنێ، ژماره‌یه‌كی زۆر چه‌كداری داعش هاتوونه‌ته‌ نێو ناحیه‌كه‌وه‌.

شێخ یه‌عقوب لهێبی، به‌ڕێوه‌به‌ری ناحیه‌ی جه‌له‌ولای پارێزگای دیاله‌ كه‌ هاوكات سه‌رۆك عه‌شیره‌تێكی عه‌ره‌بی سوننه‌یه‌، رایگه‌یاند: زانیاریمان لایه‌ ژماره‌یه‌كی زۆر چه‌كداری داعش هاتوونه‌ته‌ نێو ناحیه‌ی جه‌له‌ولاوه‌.

هه‌روه‌ها گوتیشی: ئه‌و خه‌ڵكانه‌ی چه‌كداره‌كانی داعش ده‌ناسن، پـێمان ده‌ڵێن كه‌ زۆریان له‌نێو شاردا ده‌بینین.

هاوكات سه‌رچاوه‌یه‌كی ئه‌منی به‌رپرس له‌ ناوچه‌ دابرێندراوه‌كانی پارێزگای دیاله‌، راگه‌یاند: ژماره‌یه‌كی زۆر چه‌كداری داعش هاتوونه‌ته‌ گونده‌كان و رۆژانه‌ په‌لاماری خاڵه‌ سه‌ربازییه‌كان ده‌ده‌ن.

ئاماده‌كردنه‌وه‌ی: رزگار

سه‌رچاوه‌/ده‌نگی ئه‌مه‌ریكا