یانه‌ى زاخۆ تاكه یانه‌كه‌ى هه‌رێمى كوردستان به‌شدار بوو له خولى تۆپى پێى یانه پله نایابه‌كانى عێراق ، سبه‌ى سێشه‌ممه له میانى یارییه‌كانى هه‌فته‌ى نۆزده‌ى خوله‌كه زاخۆ میواندارى یانه‌ى دیوانیه ده‌كات له‌كاتژمێر 3:00 ئێواره.
زاخۆ له‌كاتێك میواندارى ئه‌و یانه‌یه ده‌كات له‌ئه‌نجامدانى یارى ئه‌م هه‌فته‌یه‌ی ئه‌نجامى یارییه‌كانى له‌خوله‌كه باش نیه ، خاڵێكى باشى له‌ده‌ست داوه له‌خوله‌كه به‌جۆرێك له‌ڕیزبه‌ندى له‌پله‌ى نۆزده‌یه‌مینه خاوه‌ن 12 خاڵه.
زاخۆ له‌كۆى هه‌ژده یارى پێشووى ته‌نیا له‌دوو یارى براوه بووه ، له‌شه‌ش یاری یه‌كسان بووه ، له‌ده یاریه‌كه‌ى دی شكستى هێناوه له‌به‌ده‌ست هێنانى خاڵه‌كانى یاری.
یانه‌ى میوان له‌پله‌ى شازده‌ى خوله‌كه‌دایه خاوه‌ن 17 خاڵه ، ئه‌نجامه‌كانى ئه‌و یانه عێراقیه وه‌ك پێویست نیه له‌كۆى 18 یارى پێشووى ته‌نیا چوار براوه‌ى هه‌یه و له‌پێنج یاریش یه‌كسان بووه ، له‌نۆ یاری شكستى هێناوه .
له‌یاریه‌كى دیكه له‌هه‌مان ڕۆژ و كاتدا ئه‌مانه‌ى به‌غدا میواندارى ته‌ڵه‌به ده‌كات
کۆمێنت (0)
تا ئێستا هیچ کۆمێنتێک نەکراوە.