شه‌وی رابردوو له گه‌ره‌كی حه‌ی عه‌سكه‌ری شاری كه‌ركوك له لایه‌ن هێزێكی تایبه‌تی سه‌ر به دژه‌تیرۆری عێراق په‌لاماری ماڵی خانه‌واده‌یه‌كی كاكه‌یی ده‌درێت و دواتر 3 كه‌سی بنه‌ماڵه‌كه به‌ره‌و شوێنێكی نادیار ده‌ڕفێنرێن و و بێ سه‌رو شوێن ده‌كرێن.
به پێی زانیارییه‌كانی ماڵپه‌ری ده‌زگای سه‌ته‌لایتی كوردستان، "ئه‌حمه‌د سه‌ید جه‌بار كاكه‌یی" كه‌سایه‌تی دیاری كاكه‌ییه‌كان له‌گه‌ڵ 2 كوری ناوبراو له ماڵه‌كه‌ی خۆیانه‌وه به چاوبه‌ستنه‌وه به‌ره‌و شوێنێكی نادیار له لایه‌ن هێزێكی تایبه‌تی سه‌ر به دژه‌تیرۆری عێراق به بیانووی ئه‌وه‌ی كورێكی ئاسایشی یه‌كێتیه ده‌رفێندرێن.
هه‌ر به‌پێی زانیارییه‌كان تا ئێستاش ئه‌حمه‌د سه‌ید جه‌بارو كوڕ‌ه‌كانی بێ سه‌روشوێنن و نازانرێت چیان به‌سه‌ر هێنراوه.
کۆمێنت (0)
تا ئێستا هیچ کۆمێنتێک نەکراوە.