به بۆنه‌ی هاتنی جه‌ژنی نه‌ته‌وه‌یی نه‌ورۆز هه‌روه‌ها یاده‌كانی مانگی ئادار ، گۆرانیبێژی ناسراوی كورد " قادر ئه‌سعه‌د " زنجیره‌یه‌ك ئاهه‌نگی جه‌ماوه‌ری له وڵاتانی ئه‌ورووپا سازده‌كات .
ئه‌و گۆرانیبێژه ئاشكرایده‌كات له جه‌ژنی نه‌ورۆز كه جه‌ژنێكی نه‌ته‌وه‌یی كورده بریاریداوه چه‌ند ئاهه‌نگێك له ئه‌ورووپا ئه‌نجام بدات و دوای ئه‌وه‌ش بۆ ته‌واو كردن و بڵاوكردنه‌وه‌ی ئه‌لبوومه تازه‌كه‌ی بگه‌رێته‌وه كوردستان .
ئه‌سعه‌د وتیشی له ئێستادا سه‌رقاڵی ته‌واوكردنی كاره‌كانی ئه‌لبوومه تازه‌كه‌یه‌تی و به‌م نزیكانه ته‌واو ده‌بێت .
قادر ئه‌سعه‌د خه‌ڵكی شاری هه‌ولێره و به یه‌كێك له هونه‌رمه‌نده ناسراوه‌كانی كوردستان داده‌نرێت و ماوه‌ی چه‌ند ساڵێكه له ئه‌ورووپا نیشته‌جێیه و خاوه‌نی ژماره‌یه‌ك له ئه‌لبوومی گۆرانی و ڤیدیۆ كلیپه .
کۆمێنت (0)
تا ئێستا هیچ کۆمێنتێک نەکراوە.