جێگری وه‌زیری ده‌ره‌وه‌ی رووسیا له لێدوانێكی بۆ كه‌ناڵی رووسیا توده‌ی جه‌ختی كرده‌وه مۆسكۆ هیچ رۆڵێكی نه‌بووه له نێوه‌ندگیری و دانووسانه‌كانی نێوان كورد و دیمه‌شق.
میخائیل بۆگدانۆڤ، جێگری وه‌زیری ده‌ره‌وه‌ی رووسیا له په‌راوێزی كۆڕبه‌ندی ڤاڵدای كه له مۆسكۆ به‌ڕێوه‌چوو رایگه‌یاند، به‌دووری نازانم له گفتوگۆكانی پێنجه‌می ئه‌ستانادا، عه‌فرین وه‌ك ناوچه‌یه‌كی ئارام پێشنیاز بكرێت و هاوكات داوای كرد كه سه‌رجه‌م لایه‌نه‌كان دان به‌خۆیاندا بگرن و رێز له سه‌روه‌ری و یه‌كپارچه‌یی خاكی سووریا بگرن.
هه‌روه‌ها بۆگدانۆف جه‌ختی كردوه، وڵاته‌كه‌ی بوونی هه‌ر هێزێكی دیكه، به بێ ره‌زامه‌ندی حكومه‌تی فه‌رمی سووریا و بڕیاری ئه‌نجوومه‌نی ئاسایشی نێوده‌وڵه‌تی له‌ناو خاكی سووریادا ره‌تده‌كاته‌وه. ئه‌م لێدوانه‌ی جێگری وه‌زیری ده‌ره‌وه‌ی رووسیا له كاتێكدایه كه رژێمی سوریا رایگه‌یاندووه، له‌گه‌ڵ یه‌كینه‌كانی پاراستنی گه‌ڵ یه‌په‌گه بۆ پاراستنی عه‌فرین له رێكه‌وتن نزیك بوونه‌ته‌وه بۆ ئه‌وه‌ی رێگری له پێشڕه‌وییه‌كانی سوپای توركیا له‌و شاره بكه‌ن.
کۆمێنت (0)
تا ئێستا هیچ کۆمێنتێک نەکراوە.