له هێرشێكیدا بۆ سه‌ر گوندی جوده‌یده‌ی ناحیه‌ی قه‌ره‌ته‌په تیرۆرستانی داعش هاووڵاتییه‌كیان كوشت و 5ـی دیكه‌شیان به دیل گرت .
به پێی زانیارییه‌كانی ده‌زگای سه‌ته‌لایتی كوردستان شه‌وی رابردوو چه‌كدارانی داعش هێرشیان كردۆته سه‌ر گوندی جوده‌یده كه ده‌كه‌وێته خوارووی ناحیه‌ی قه‌ره‌ته‌په .
به پێی زانیاری شایه‌دحاڵێك بۆ ماڵپه‌ری ده‌زگای سه‌ته‌لایتی كوردستان: شه‌وی رابردوو داعش هێرشی كرده سه‌ر گونده‌كه‌مان و خه‌ڵكی ئاواییان له مزگه‌وتی گوند كۆكرده‌وه‌و لیستێكیان خوێنده‌وه له ناو لیسته‌كه‌دا ناوی 6 كه‌س هه‌بوو، كه یه‌كێكیان كوشت و پێنجه‌كه‌ی تریشیان رفاند .
ئه‌وه له كاتێكدایه كه حه‌یده‌ر عه‌بادی سه‌رۆك وه‌زیران و فه‌رمانده‌ی هێزه چه‌كداره‌كانی عێراق له 9/12/2017 و له ئاهه‌نگێكدا كۆتایی داعشی له عێراق راگه‌یاند .
کۆمێنت (0)
تا ئێستا هیچ کۆمێنتێک نەکراوە.