له میانی یاریه‌كانی هه‌فته‌ی حه‌ڤده‌می خولی ئیسپانیا یانه‌ی ئیسپانیۆل له‌سه‌ر یاریگای خۆی میوانداری یانه‌ی ئه‌تله‌تیكۆ مه‌دریدی كرد.
به‌ر له‌به‌رێوه‌چوونی یاریه‌كه ئه‌تله‌تیكۆ چاوی له‌به‌ده‌ست هێنانی سێ خاڵی یاریه‌كه‌بوو بۆ ئه‌وه‌ی له‌به‌رشلۆنه‌ی پێشه‌نگ خۆی نزیك بكاته‌وه.
گێمی یه‌كه‌م هه‌ردوولا چه‌ندین هێرشیان برده سه‌ر گۆڵی یه‌كتر، به‌ڵام ئه‌و گێمه به‌بێ گۆڵ به‌كۆتا هات، له‌گێمی دووه‌می یاریه‌كه هێرشه‌كانی هه‌ردوولا درێژه‌ی هه‌بوو.
له دوایین خوله‌كی یاریه‌كه‌و به‌ر له لێدانی فیكه‌ی ناوبژیوان، یاریزان سێرخیۆ گارسیا توانی تاكه گۆڵی ئیسپانیۆل تۆماربكات.
به‌مجۆره یاریه‌كه به شكستی ئه‌تله‌تیكۆ مه‌درید به‌كۆتاهات و ئیسپانیۆلیش كۆی خاڵه‌كانی كرده 20 خاڵ و له‌خانه‌ی چوارده‌هه‌م دێـت.
هه‌رچی ئه‌تله‌تیكۆ مه‌دریده ئه‌وا به 36خاڵ له‌پله‌ی دووه‌م دێت و به بردنه‌وه‌ی ڤالێنسیا له‌یاری ئه‌م هه‌فته‌یه ئه‌وا ئه‌تله‌تكیۆ خانه‌یه‌ك بۆ دواوه ده‌گه‌ڕێته‌وه دواوه.
کۆمێنت (0)
تا ئێستا هیچ کۆمێنتێک نەکراوە.