وەزارەتی دەرەوەی ئەڵمانیا پێشوازی لە راگەیەنراوەكەی حكومەتی هەرێم دەكات لەبارەی بڕیاری دادگای فیدراڵی عێراق و داواش دەكات گفتوگۆو دانوستانی نێوان هەرێم و بەغدا دەستپێبكات.
ئەمڕۆ 16ی تشرینی دووەمی 2017، سایتی وەزارەتی دەرەوەی ئەڵمانیا بڵاویكردەوە حكومەتی ئەڵمانیا پشتگیری خۆی بۆ گفتوگۆو دانوساندنی حكومەتی عیراق و هەرێمی كوردستانی راگەیاندو لەمبارەیەوە وتی" ئێمە بەگەرمی پێشوازی لەو لێدوانەی رۆژی 14ی تشرینی دووەی حكومەتی هه‌رێمى كوردستان دەكەین و ئەڵمانیا خۆشحاڵی خۆی بەلێدوانی حكومەتی هەرێم سەبارەت بەڕێزگرتن لەدەستوری عیراقی دەربڕێ.
وتیشی" ئەم لێدوانە ئاماژەیەكی گرنگی زەمینەی دەستپێكردنی گفتوگۆو دانوساندنە، ئێستا لەسەر حكومەتی عیراقە بەزوویی هەنگاوبنێ و چارەسەری سیاسیانە بكەنە ئەلتەرناتیڤی ناكۆكی و پشێوی، چونكە ئەگەر هەموو تواناكان نەكرێن بەیەك عیَراق ناتوانێ بەسەر ئەو ئاستەنگ و كێشەكانەدا زاڵبێت كە رووبەڕووی بۆتەوە.
کۆمێنت (0)
تا ئێستا هیچ کۆمێنتێک نەکراوە.