دادگای لێکۆڵینەوەی رەسافە فەرمانی دەستگیرکردنی بۆ سەرۆک و ئەندامانی کۆمیسیۆنی باڵای سەربەخۆی ھەڵبژاردن و راپرسیی ھەرێمی کوردستان دەرکرد،بە تۆمەتی ئەوەی بە پێچەوانەی بڕیاری دادگای باڵای فیدراڵی عێراق، سەرپەرشتی ریفراندۆمی سەربەخۆیی ھەرێمی کوردستیان کردووە.
لەمبارەیەوە شۆڕش حوسێن بەڕێوەبەری راگەیاندن و پەیوەندییەکانی کۆمسیۆن بە ماڵپەڕی دەزگای سەتەلایتی کوردستانی راگەیاند: کۆمسیۆن دەزگایەکی یاساییە و شەرعیەتی لە پەرلەمانی کوردستان پێدراوە و یاساییانە کاری خۆمان کردووە.
سەبارەت بە بریارەکانی دادگای لێکۆڵینەوەی رەسافە بۆ دەستگیرکردنی سەرۆک و ئەندامانی کۆمیسیۆنی باڵای سەربەخۆی ھەڵبژاردن و راپرسیی ھەرێمی کوردستان شۆڕش حوسێن گوتی: تەنیا تۆمەتێک کە دراوەتە پاڵ ئێمە ئەوەیە كه سەرپەرشتی ریفراندۆمی سەربەخۆیی ھەرێمی کوردستمان کردووە، بۆیە ئەم بڕیارە یاسایی نییە و بڕیارێکی سیاسییە، ھەر بۆیە ئێمە ئامادە نیین ئەو بڕیارە قبوڵ بکەین.
ئارام کاکەخان
کۆمێنت (0)
تا ئێستا هیچ کۆمێنتێک نەکراوە.