بەڕێوەبەرایەتیی هاتوچۆی سۆران ڕایگەیاند، کامێراکانی چاودێریی خێرایی لە ڕێگەی گەلیی عەلی بەگ دەکەونە کار و خێرایی دیاریکراو (70) کیلۆمەتر دەبێت لە کاتژمێرێکدا.
ئەمڕۆ سێشەممە 11ـی ئاب، بەڕێوەبەرایەتیی هاتوچۆی سۆران ئاگادارییەکی بڵاو کردووەتەوە کە تێیدا هاتووە: ئاگاداری شۆفێران دەکەینەوە کەوا کامێراکانی رێگای گەلیی عەلی بەگ ئەمڕۆ سێشەممە لە کاتژمێر (2) دوای نیوەڕۆوە بە فەرمی دەکەونە کار بە شێوەی خاڵ بۆ خاڵ (پۆینت تو پۆینت).
هاتوچۆی سۆران ئاماژەی بەوە داوە کە خێرایی دیاریکراو لەو ڕێگەیەدا (70) کیلۆمەتر دەبێت لە کاتژمێرێکدا. هاوکات داوا لە شوفێران دەکات کە پابەندی رێنماییەکانی هاتوچۆ و خێرایی دیاریکراو بن.
کۆمێنت (0)
تا ئێستا هیچ کۆمێنتێک نەکراوە.