ئهمڕۆ پێنجشهممه، کاروان ستونی، گوتەبێژی حەج و عومرەی کوردستان ڕایگەیاند، وادەی دەرچوونی ڤیزای عومرە بۆ ئەم وەرزە دیاریکراوە و ئاماژەی بەوە کرد کە ڕۆژی 1ی شەوال، 20-3-2026 دواین ڕۆژی دەرچوونی ڤیزا دەبێت .
کاروان ستونی ڕاشیگەیاند، ئەو کەسانەی کە ڤیزایان وەرگرتووە و گەشتیان نەکردووە دواین وادە بۆ چوونە ناو خاکی عەرەبستانی سعوودیە لەلایەن عومرەکارانەوە، ڕۆژی 15ی شەوال (3/4/2026) دەبێت .
لە درێژەی لێدوانەکەیدا، کاروان ستونی ئاشکرای کرد، کە ڕۆژی 1ی ذو القعدە (18/4/2026)، بە کۆتا ڕۆژی وەرزی عومرە لە سعوودیە دادەنرێت و جەختی کردەوە کە نابێت لەو ڕێکەوتە بەدواوە هیچ عومرەکارێک لە سعوودیە مابێتەوە و پێویستە هەمووان گەڕابێتنەوە.
سەبارەت بە ئامادەکارییەکانی حەج، کاروان ستونی ئاماژەی بەوە کرد، کە زۆربەی ئامادەکارییەکان بۆ حەجی ئەمساڵی 2026 تەواو کراون، بەڵام بەهۆی شەڕ و ئاڵۆزییەکانی ناوچەکە، تاوەکو ئێستا هیچ بڕیارێکی نوێ یان گۆڕانکاری بۆ وەرزی حەجی 2026 نەدراوە و کارەکان وەک خۆیان بە ڕێکوپێکی بەڕێوەدەچن.
ئاشكراشی كرد: لە ڕێکەوتی 18/4/2026، یەکەم ڕۆژی چالاککردنی ڤیزای حەجی ئەمساڵ دەبێت و بەمەش قۆناغی کردەیی گەشتی حاجی ئەمساڵ 2026 دەستپێدەکات .
کۆمێنت (0)
تا ئێستا هیچ کۆمێنتێک نەکراوە.