نێچیرڤان بارزانی و هەڵسووڕێنەری باڵیۆزخانەی ئهمهریکا هاوڕا بوون کە بەرژەوەندی و بەهای هاوبەش ئهمهریکا لەگەڵ عێراق و هەرێمی کوردستان دەبەستێتەوە
نیوەڕۆی ئەمڕۆ چوارشەممە، 18ـی شوبات، نێچیرڤان بارزانی، سەرۆکی هەرێمی کوردستان، پێشوازیی لە جۆشوا هاریس، هەڵسووڕێنەری باڵیۆزخانەی ئهمهریکا لە عێراق و شاندێکی یاوەری کرد.
لە کۆبوونەوەیەکدا پەیوەندییەکانی ئهمهریکا لەگەڵ عێراق و هەرێمی کوردستان، دوا پێشهاتەکانی پرۆسەی سیاسی لە وڵات و دۆخی ناوخۆی هەرێمی کوردستان، تاوتوێ کران.
هەردوولا جەختیان لە برەودان بە پەیوەندییەکانی ئهمهریکا لەگەڵ عێراق و هەرێمی کوردستان کردەوە، هەروەها هاوڕا بوون کە بەرژەوەندی و بەهای هاوبەش ئهمهریکا لەگەڵ عێراق و هەرێمی کوردستان دەبەستێتەوە. هەر لەمبارەیەوە باسیان لە بوارەکانی هاریکاریی نێوان هەردوولا کرد.
پەیوەندییەکانی هەولێر ـ بەغدا، گرنگیی یەکدەنگیی لایەنە کوردستانییەکان لە هەرێمی کوردستان و عێراق و دۆخی ناوچەکە بەگشتی، تەوەرێکی دیکەی کۆبوونەوەکە بوو.
کۆمێنت (0)
تا ئێستا هیچ کۆمێنتێک نەکراوە.