لە سنووری شارەدێی کەڵەک، ڕووداوێکی پێکدادان لەنێوان دوو ئۆتۆمبێلدا ڕوویدا و بەهۆیەوە سێ کەس بە سەختی بریندار بوون.
بەگوێرەی زانیارییەکانی پەیامنێری کوردستان تیڤی، کەمێک پێش ئێستا، دوو ئۆتۆمبێل لە جۆرەکانی (تۆیۆتا پیکئەپ) و (ئۆپڵ) تووشی پێکدادان بوون، ڕووداوەکە لەسەر ڕێگەی گوندی "وەردەک" بۆ گوندی "زەنگەڵ" لە سنووری شارەدێی کەڵەک ڕوویداوە.
لە ئەنجامی پێکدادانی دوو ئۆتۆمبێلەکەدا، 3 کەس بە سەختی زامدار بوون، کە یەکێک لە بریندارەکان ژنێکی بەتەمەنە.
دوای ڕووداوەکە، دەستبەجێ لەلایەن هاووڵاتییانەوە بریندارەکان گوازرانەوە و ڕەوانەی نەخۆشخانەی شارۆچکەی خەبات کران بە مەبەستی وەرگرتنی چارەسەری پزیشکی.
کۆمێنت (0)
تا ئێستا هیچ کۆمێنتێک نەکراوە.