سەرۆکی حکومەتی هەرێمی کوردستان بەهۆی رووداوی تەقینەوەکەی بەندەر عەباس کە 25 کوژراو و زیاتر لە 800 برینداری لێکەوتەوە، سەرەخۆشی لە سەرۆککۆماری ئێران دەکات.
رۆژی یەکشەممە 27ـی نیسانی 2025 مەسرور بارزانی، سەرۆکی حکومەتی هەرێمی کوردستان لە پەیامێکدا سەرەخۆشی لە مەسعود پزیشکیان، سەرۆککۆماری ئێران کرد و هیوای چاکبوونەوەی بۆ بریندارانی تەقینەوەکە خواست.
دەقی پەیامی مەسرور بارزانی:
پرسە و سەرەخۆشی ئاراستەی سەرۆکی کۆماری ئیسلامیی ئێران بەڕێز د.مەسعود پزیشکیان و کەسوکار و قوربانیانی تەقینەوەی بەندەر عەباس دەکەین و هیوای چاکبوونەوەی خێراش بۆ بریندارەکان دەخوازین. خودای مەزن گیانی خوالێخۆشبووان بە بەهەشت شاد بکات و ئارامی و دڵنەواییش بە کەسوکاریان ببەخشێت.
لەم ڕووداوە نەخوازراوەدا، هاوسۆزی و هاوخەمی خۆمان لەگەڵ خەڵکی کۆماری ئیسلامیی ئێران دەردەبڕین.
کۆمێنت (0)
تا ئێستا هیچ کۆمێنتێک نەکراوە.