كەشناسی: ئاسمان نیمچە هەور دەبێت و ئەگەرى نمە باران هەیە

بەڕێوەبەرایەتی كەشناسی و بوومەلەرزەزانی رەوشی كەشوهەوای ئەمڕۆ یەکشەممە و سبەی دووشەممەی شارەكانی هەرێمی كوردستانی بڵاو كردەوە، بەگوێرەی راگەیەنراوەكە ئەمڕۆ کەشی هەریـم بە گشتی نیمچە هەور دەبێت و ئەگەرى نمە باران بارینی هەیە

كەشناسی سەبارەت بە كەشوهەوای ئەمڕۆ یەکشەممە رایگەیاند: ئاسمان بەگشتى نیمچە هەور دەبێت, ئەگەرى نمە باران هەیە لەسەر بەشێک لە ناوچە شاخاوییە بەرزەکانى سنوورى پارێزگاى سلێمانى و هەولێر.

سەبارەت بە كەشوهەوای سبەی دووشەممە، كەشناسی رایگەیاند: ئاسمان نیمچە هەور دەبێت بە گشتى هەندێ کات بۆ ساماڵ و پەڵە هەور دەگۆڕێت.

كەشناسی پلەكانی گەرمای پێشبینیكراوی شارەكانی بەمشێوەی خوارەوە بڵاوكردەوە:

هەولێر: 30 پلەی سیلیزی

سلێمانی: 27 پلەی سیلیزی

دهۆک: 29 پلەی سیلیزی

کەرکووک: 31 پلەی سیلیزی

زاخۆ: 29 پلەی سیلیزی

هەڵەبجە: 28 پلەی سیلیزی

سۆران: 24 پلەی سیلیزی

حاجی ئۆمەران: 17 پلەی سیلیزی

گەرمیان: 36 پلەی سیلیزی