ئەمرۆ شەممە 26.4.2025 ، بە ئامادەبوونى ئومێد خۆشناو، پارێزگارى هەولێر و فەرهەنگ غەفور بەڕێوەبەری گشتیی ڕۆشنبیری و هیوا سوعاد نەقیبی سەندیکای هونەرمەندان و سەرۆکی لێژنەی باڵای فێستیڤاڵ و ژمارەیەکى زۆر لە هونەرمەند و ئەستێرەی بە ناوبانگی سینەما و شانۆ و هونەرمەندانی عەرەب، کورد، عێراقی و بیانی، لە هۆڵی رۆشنبیریی هەولێرى پایتەخت، مەراسیمی کۆتایی خولی هەشتەمی فێستیڤاڵی نێودەوڵەتی بۆ شانۆ بەرێوەچوو.
مەراسیمەکە بە خولەکێک وەستان بۆ رۆحی شەهیدان دەستی پێکرد، دواتر هیوا سوعاد سەرۆکی لێژنەی فێستیڤاڵ وتەیەکی پێشکەشکرد
دواتر چەند برگەیەکی هونەری پێشکەشکرا.
لە کۆتایدا پارێزگاری هەولێرو هیوا سوعاد قەڵغانی رێزلێنانی تایبەتیان پێشکەشی هەردوو ئەستێرەی دیاری میسری، هونەرمەندان شیرین و ئەحمەد بدێر کرد.
شایەنی باسە خولی هەشتەمی فیستیڤاڵی نێودەوڵەتی شانۆ 10 گرووپی شانۆ لە وڵاتانی ( تونس، لیبیا، میسر، ئێران، تورکیا و شارەکانی هەرێمی کوردستان و عێراق ) بەشداریان تێدا کرد بوو.
فێستیڤاڵهكه لهلایهن وەزارەتی ڕۆشنبیری و لاوان بەڕێوەبەرایەتی گشتیی ڕۆشنبیری و هونەری هەولێر، بەڕێوەبەرایەتی هونەری شانۆی هەولێر سەرپەرشتی کرا، بۆ ماوهی ههفتهیهك بهردهوام بوو، رۆژانە له دوو كاتی جیاواز دوو شانۆگەرى نمایش کراو لەلایەن لیژنەیەکی دادەوەری شارەزاوە هەڵسەنگاندنیان بۆ کرا.
کۆمێنت (0)
تا ئێستا هیچ کۆمێنتێک نەکراوە.