Erbil 14°C یەکشەممە 06 نیسان 01:07

قاهیرە یادی نەورۆز ڕۆژی نەتەوەیی گەلی کورد دەکاتەوە

کوردستان TV
100%

بەبۆنەی جەژنی نەتەوەیی و سەری ساڵی کوردی نەورۆز مەکتەبی پارتی دیموکراتی کوردستان لە قاهیرە بە ئامادە بوونی چەندین کەسایەتی سیاسی و دیبلۆماتکار و ئەکادیمی و رۆژنامەنووس و میدیاکار و قوتابی، ئێوارە ئاهەنگێک و ئیفتاری سازکرد.

راوێژکار دکتۆرە رحاب خالید ڕاوێژکاری باڵیۆزخانەی عێراق لە قاهیرە پیرۆزبایی خۆی بەبۆنەی جەژنی نەورۆزەوە ئاراستەی گەلی کوردستان و عێراق کرد، هەروەها بە ناوی باڵیۆزی کۆماری عێراق لە قاهیرە دکتۆر قەحتان تەها خەلەف ئەلجەنابی و ئەندامانی باڵیۆزخانەی عێراق لە قاهیرە، پیرۆزبایی ئاراستەی جەنابی سەرۆک مەسعوود بارزانی و شێرکۆ حەبیب بەرپرسی نووسینگەی پارتی لە قاهیرە کرد،  
دکتۆر حسێن ئەلهینداوی یاریدەدەری سکرتێری گشتی کۆمکاری عەرەبی لە وتارەکەی گوتی " جەژنی نەورۆز پەیامی ئاشتی و خۆشەویستی و لێبوردەیی و برایەتییە گەلی کوردستان ئاراستەی عێراق و هەموو جیهان دەکات. 

بەرپرسی پارتی لە قاهیرە لە درێژەی وتەکەی گوتی ئێمە کاردەکەین بۆ بڵاوکردنەوەی گیانی خۆشەویستی و لێبوردەیی و بەها باڵاکان و ڕەتکردنەوەی ڕق و کینە و توندوتیژی و بنیاتنانی کۆمەڵگەیەکی مەدەنی لە سەربنەماکانی ئاشتی و برایەتی و پێکەوەژیان بەڕێوەبچێت، ، کاردەکەین بۆ چارەسەرکردنی ناکۆکییەکان بە ڕۆحێکی بەرزی نەتەوەیی، و بونیادنانی کۆمەڵگەیەکی مەدەنی و عێراقێکی فیدراڵی و دیموکراسی.

حەبیب دووپاتی کردەوە کە پارتی دیموکراتی کوردستان کار بۆ لێبوردەیی و برایەتی لە نێوان هەموو عێراقییەکاندا دەکات، هەر لە دامەزراندنیەوە لە 16ی ئابی 1946ەوە بە سەرکردایەتی باوکی ڕۆحی گەلی کورد، مەلا مستەفا بارزانی نەمر خەبات بۆ ئەو ئامانجانە هەوڵ دەدات، و کوردستان بۆتە دوورگەیەک لە سەقامگیری و دیموکراسی و پێکەوەژیانی ئاشتیانە لە ژێر رێنمایەکانی سەرۆک بارزانی.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.