لە وڵاتی میسڕ دوای بەڕێوەچوونی ئاهەنگێكی هاوسەرگیری، بووك و زاوایەك بەهۆی خواردنی پیتزاوە تەندروستییان تێك دەچێت و لە ئەنجامیشدا بووكەخان گیان لەدەست دەدات.
میدیاكانی میسڕ بڵاویان كردەوە: دوای تەواوبوونی ئاهەنگی هاوسەرگیری، بووك و زاوایەك لە شاری ئەسیووت روو دەكەنە چێشتخانەیەك و داوای پیتزا دەكەن.
دوای خواردنی پیتزاكە بووكە نوێیەكە كە ناوی سوهەیلەیە و تەمەنی 23 ساڵە، تەندروستی تێكدەچێت و بە خێرایی رەوانەی نەخۆشخانە دەكرێت، دوای چەند كاتژمێرێك مانەوە لە نەخۆشخانە گیانلەدەست دەدات.
زاواكەش بەهەمانشێوە تەندروستی تێكدەچێت و داخیلی نەخۆشخانە دەكرێت، دوای پشكنینە تەندروستییەكان دەركەوت مردنی بووكەكە و تێكچوونی بارودۆخی تەندروستی زاواكە پەیوەندی بە پیتزاكەوە هەبووە.
دوای دەرچوونی پشكنینەكان، بەفەرمانی داواكاری گشتی شاری ئەسیووت خاوەنی چێشتخانەكە دەستگیر دەكرێت و چێشتخانەكەش بەیەكجاری دادەخرێت.
کۆمێنت (0)
تا ئێستا هیچ کۆمێنتێک نەکراوە.